影片
更多
2024-03-20
410 瀏覽
雖然我哋好鍾意打邊爐，但我哋就好少喺屋企打邊爐。因為每次打邊爐都好大陣仗，又要買、又要洗，食飽仲有勁多碗要洗，所以每次想打邊爐，都係「請你滾滾出去」啦！講到出去打邊爐，最重要真係個湯底，其次係高質嘅食材，而荃灣嘅大滾友火鍋，就完全滿足到以上嘅要求。花膠雞鍋呢個花膠雞鍋落足本，夠晒真材實料！店員會將又長又厚嘅花膠剪細放入窩，滾起後再將五成熟嘅雞件放埋落鍋一齊煲滾。當再次滾起，就可以先品嚐一下湯底。花膠厚身軟綿，一入口就感受到充滿着滿滿嘅骨膠原；雞件亦非常嫩滑，兩者嘅精華令花膠雞湯充滿鮮甜味，真係令人飲完一碗又一碗！大滾友牛肉拼盤呢個大滾友牛肉拼盤包括頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛舌，估唔到食牛都食得咁International啊！而且每一塊牛都非常新鮮嫩滑，油脂甘香，充斥住濃濃嘅牛香。伊比利亞橡果豬呢個被譽為「豬肉中嘅和牛」，果然非同凡響！除咗有大理石紋嘅油花之外，肉味仲非常濃郁，絕對係嚟到大滾友火鍋嘅必食推介。新鮮鮑魚食得太多肉都要食吓其他嘢，所以就嗌咗海鮮嘅代表：鮑魚。鮑魚爽口彈牙，非常新鮮，而且價錢親民，食多幾隻都唔肉赤呀！大滾友雜菜
花膠雞鍋
呢個花膠雞鍋落足本，夠晒真材實料！店員會將又長又厚嘅花膠剪細放入窩，滾起後再將五成熟嘅雞件放埋落鍋一齊煲滾。當再次滾起，就可以先品嚐一下湯底。花膠厚身軟綿，一入口就感受到充滿着滿滿嘅骨膠原；雞件亦非常嫩滑，兩者嘅精華令花膠雞湯充滿鮮甜味，真係令人飲完一碗又一碗！
花膠雞鍋
3 瀏覽
0 讚好
0 留言
大滾友牛肉拼盤
呢個大滾友牛肉拼盤包括頂級安格斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛舌，估唔到食牛都食得咁International啊！而且每一塊牛都非常新鮮嫩滑，油脂甘香，充斥住濃濃嘅牛香。
大滾友牛肉拼盤
3 瀏覽
0 讚好
0 留言
伊比利亞橡果豬
呢個被譽為「豬肉中嘅和牛」，果然非同凡響！除咗有大理石紋嘅油花之外，肉味仲非常濃郁，絕對係嚟到大滾友火鍋嘅必食推介。
伊比利亞橡果豬
2 瀏覽
0 讚好
0 留言
新鮮鮑魚
食得太多肉都要食吓其他嘢，所以就嗌咗海鮮嘅代表：鮑魚。鮑魚爽口彈牙，非常新鮮，而且價錢親民，食多幾隻都唔肉赤呀！
新鮮鮑魚
3 瀏覽
0 讚好
0 留言
大滾友雜菜拼盤
呢度嘅雜菜拼盤，除咗蔬菜外仲有蕃茄、粟米、金菇、蓮藕、萵筍、木耳、仲有好特別嘅紫淮山。紫淮山比一般淮山有更高營養價值，打完邊爐咁肥膩，當然要食返啲補下脾胃啦！
大滾友雜菜拼盤
1 瀏覽
0 讚好
0 留言
自家製竹蔗茅根
大滾友火鍋嘅竹蔗茅根係自家製，絕對係誠意之作。飲落非常滋潤解渴，而且唔算好甜，飲完即刻覺得冇咁熱氣啊，減少罪惡感。
自家製竹蔗茅根
2 瀏覽
0 讚好
0 留言
火焰焦糖豆腐花
打完邊爐咁熱，當然要食返甜品，透心涼一下。呢個火焰焦糖豆腐花，唔好以為係熱嘅，其實佢係一個凍嘅豆腐花呢！頂層加上一層少量食用酒精，即場燒成焦糖。加上糖水同黃糖嘅陪襯，一碗滑捋捋又解暑嘅豆腐花就誕生啦！
火焰焦糖豆腐花
1 瀏覽
0 讚好
0 留言
張貼
