365小食部 (已結業)

放工開open rice搵嘢食，不知不覺碌到去石籬呢間。大約6點半到埗，冇乜食客，坐低睇左陣餐牌，呢度舖仔細細乜都有，港台中日西樣樣有啲，仲有1人邊爐。見好耐冇食就叫個期間限定羊架，落單冇講幾成熟，佢自動嚟個7成熟，廚師手勢幾好，羊架有3件，肉厚但易切易o趙。沙律菜、薯條、白飯3選2，沙律菜爆炸多，薯條亦炸得香脆冇油淋淋。食食下開始人多，街坊、一家人、情侶……氣氛融洽舒服。最後跟餐半價叫杯朱古力雪香收尾。