鯛魚魚湯專門店 (已結業)

Item: 鯛魚魚湯專門店
Rating: 5
Author: whenwehappy_weeat

Snapper

456 食評

味道

環境

服務

衛生

抵食

13544

鰂魚涌

$51-100

日本菜拉麵海鮮烏冬

327

whenwehappy_weeat

等級4

173

介紹返💁🏻‍♀️
。
。
🇯🇵 烏冬在鰂魚涌 🇯🇵
。鯛魚魚湯專門店 Snapper
。龍景大廈地下3A號舖
。
烏賊鍋燒鯛魚湯烏冬Snapper Soup Udon with Squid
。HKD85

時合蜆蝦魚湯鳥冬 Snapper Soup Udon with Clams & Shrimps
。HKD108

配料追加 Additional
。蟹棒 Crab Stick - HKD18 @ 4pcs
。廣島生蠔 Oyster - HKD25 @ 2pcs
。煙三文魚 Smoked Salmon - HKD30 @ 2pcs
。花膠 HKD30 @ 4 pcs
。時令海膽 Sea Urchin- HKD80

薯絲卷卷蝦 Deep Fried Potato Shrimp
。HKD40 @ 5pcs

吉列豬扒 Cutlet Pork Chop
。HKD68

牛肉餅 Beef Cake
。HKD38 @ 2pcs

赤富士梳打 Aka Fuji Soda
。HKD24

完熟桃味梳打 Kanjuku Peach Soda
。HKD24

🤫 今次呢篇美食日記名為寵壞女朋友眼闊肚窄系列..話說飯腳仔無意之中留意到..我早一排返工Lunch Time都幾鍾意食嘅鯛魚魚湯專門店近排有八周年節慶活動..做緊唔知咩八八折咁話～咁又見我都一段時間冇去幫襯過..然後又有折咁好..就話要帶我過去開大餐咁話喎🤭好啦～一於Lunch Time去撐枱腳啦😚
🤫 事關一早知道有折頭優惠..我同飯腳仔今餐真係叫得好放肆..我竟然On Top Of每次嚟都必食嘅蜆蝦魚湯鳥冬再追加咗生蠔海膽同埋花膠..變成一碗無敵海鮮魚湯烏冬🤤而飯腳仔見我叫得咁高興..佢都忍唔住喺佢個烏賊鍋燒鯛魚湯烏冬之上加咗蟹柳同埋煙三文魚🤪唔止咁㗎～當然唔少得我最鍾意食嘅薯絲卷卷蝦啦🤤然後飯腳仔仲叫多咗一份吉列豬扒同埋牛肉薯餅..你話兩個人點解會嗌咁多嘢㗎呢？究竟係咪黐咗線呢？
🤫 好啦～即刻講吓啲嘢食..我嘅蜆蝦湯烏冬係一貫嘅好味..香濃鮮味嘅奶白色魚湯滾熱辣咁樣浸住八隻飽滿嘅大蜆同嗰兩隻真係大到飛起嘅爽口大蝦(你睇吓嗰隻蝦同對筷子差唔多長㗎😲)然後加配嘅海膽真係不得了..勁大條海膽有成兩三條..好鮮甜～最緊要係同個魚湯好襯～然後生蠔又係勁大隻..蠔味都好香..(究竟點解Snapper啲海鮮全部都好似中咗巨大降咁嘅呢😂全部都大到冇朋友㗎喎)而最後嘅花膠就更加係抵食啦..先三十蚊就有四件..食完即刻覺得自己白滑咗🤪不過今次真係叫得太多餸啦..所以就算啲烏冬夠掛湯又軟硬適中咁..我都真係食唔晒呀😵
🤫 至於大胃王飯腳仔呢..佢又係食返佢愛嘅烏賊魚湯烏冬..佢話呢度啲烏賊比出邊街食到嗰啲大隻好多而且爽口鮮甜..今次都冇令佢失望..加埋蟹棒同埋煙三文魚成件事豐富哂..哎～差啲唔記得講..加配嘅食材都係分開碗另上嘅..而且每一碗食材下邊都會放有佢哋嘅魚湯津白..啲津白朔晒魚湯嘅味道真係好好味㗎..我每次都唔會嘥嘢..將所有蔬菜都食埋㗎😎(但係今次真係太多啦..蔬菜部份都食淨咗少少😐)
🤫 究竟我哋係咪俾為食鬼上咗身呢..我哋竟然叫咗咁多嘢..然後仲要係可以差唔多食晒呀😨 薯絲卷卷蝦就冇得講啦..我一定第一時間食晒嘅😳卷卷蝦真係炸得好香脆好好味㗎
🤫 然後今次第一次食嘅吉列豬扒都唔錯..好大份好大塊..聽講話係即叫即炸所以真係香脆到索索聲㗎..炸皮都夠薄而塊扒呢..就係比較厚實嗰種..飯腳仔話吉列豬扒點嘅嗰個醬汁好濃..一次唔可以點太多喎..而我就比較鍾意點Mayonnaise啦～另外牛肉薯餅都係第一次食..呢個我諗我下次都會Encore..薯餅軟綿綿..外脆內軟嗰種..而且帶有小小嘅牛肉粒..我鍾意呢個味道
🤫 其實嚟呢度食過咁多次每次都令我(個肚腩🥲)滿載而歸就知道呢度嘅質量係絕對有保證..今次過嚟仲覺得啲職員嘅服務好過之前啲..即係冇咗之前嚟嗰種趕頭趕命嘅感覺..老實講鰂魚涌嘢食咁鬼多..但係其實都有好多間開咗冇耐就執笠..Snapper開咗八年都站得住腳🦶🏻應該係有佢自己嘅優勝之處嘅..等我喺今個月之內再幫襯多一次先..有折喎..Haha
🤫 黃色經濟圈
。。
翻兜指數：🙆🏻‍♀🙆🏻‍♀️️🙆🏻‍♀️ （5個🙆🏻‍♀️為翻兜爆燈）

💮已翻兜次數：4次💮
。。