大瀛喜日本料理 (已結業)

想試呢間得獎日式放題好耐，終於有機會同 fds 一齊嚟試。全場坐滿，枱同座椅都好貼，有d迫，好暗唔夠光。手卷好迷你，料多，抵食！刺身都涷嘅，唔會水，不過有時會漏咗d無上。我地刺身都 encore 咗兩次。帶子壽司正，我地 encore 咗~ 其他壽司都正常嘢~ 炸物之中嘅芝麻雞翼最好，其他偏油膩，可能趕住出嚟俾客人。串燒，燒烤等等都可以食嘅，其中燒蝦最正。燒菠蘿就令人最失望，好水，好似燒唔夠時間咁，而且個色有d怪。 無得食燒菠蘿好失望……小食嗰d都係正常嘢，可以食嘅。鰻魚好味~ 個帶子好細粒，醬汁好多。煱物係較好嘅，全部清都曬！食到無咩心機喇，甜品只點咗焦糖燉蛋同朱古力心太軟。不過焦糖燉蛋有驚喜喎！雪糕櫃都有好多選擇架！有多種雪條，有雪糕，有雪米糍，仲有豆腐花。飲品選擇都好多。仲有多一個雪櫃架。熱飲都有！夠時間都無要我地走，我地坐多咗一陣，出到去門口無人等喇。不過坐得唔舒服，食物質素又無保証，都係唔會再嚟喇。