新港明珠海鮮酒家 (已結業)

之前寫一個一次晏晝午飯點心，覺得食品質素幾好，款式又多。今次帶齊一家人來試晚飯，點知菜式原來少過午市。阿仔佢對海鮮敏感，直情投訴我話呢個餐牌，點解大部份都係海鮮 🙄 都坐低咗啦，照去馬啦，咁佢點都有啲雞肉豬肉牛肉菜俾你點。叫咗幾個餸，全家一致認為佢煮得好好味，冇一般觀塘區小菜館咁肥膩及重豬油味⋯ 結果全部餸都食得清光⋯ 呢啲情況唔係經常在我家出現。食完本來諗住去隔離甜品舖，點知呢度原來有生果盤同埋紅豆沙送。紅豆沙D水準好高，食完真係唔再需要去甜品店。最後埋單，就算計埋茶錢同+1，人均消費都低過之前喺同一條街其他免茶錢免加一嘅小菜館。咁以後係呢條街食飯，我家應該都係再嚟呢間。