Go Inside Kitchen (已結業)

觀塘餐廳林立，有時候多到唔知去邊好，經朋友推介下便去了Go Inside Kitchen，得知是社企餐廳，當然想支持一下。當日係閒日晚上，不用等位，職員便直接招侍入座。食物方面，我叫左個刺身級三文魚扒伴香茅忌廉汁($168)，另加黑松露蜜糖烤雞翼($58)。朋友叫了套餐，我就偷喝了幾口薯仔煙肉湯，薯仔味道十足，而且湯不會太稀。首先講下三文魚扒先，上菜時見到個魚扒好似好乾咁，個魚皮超脆咁，同我想像中有啲唔同。 點知食落好大驚喜，佢煮到個皮好脆特別有魚鮮味，而入面既魚肉竟然唔乾仲好juicy，肉質好嫩又鎖水!👍🏼真係估佢唔到!另外係黑松露蜜糖烤雞翼($58)，其本身蜜糖雞翼已經係無得輸，而且蜜糖好入味，加上微微既松露香。佢既松露唔會有平時好假既味或太重油味，反而慢慢品嚐愈來愈有黑松露香。而飲品方面，天氣轉冷都係簡簡單單叫左杯熱檸水，有埋茶壺仔裝住，又保到水溫仲可以慢慢飲，加上餐廳環境都幾舒服，侍應都招侍得好好，野食唔會一次過上哂，好適合黎慢慢食同傾計。