Cocoon

營業中

休息中

今日去咗公司觀塘嘅Office開會，到午飯時間響觀塘咁多人嘅地區都唔知去邊度搵食好，好彩同事帶我去佢平時開飯嘅餐廳試吓。佢話餐廳轉咗新Lunch Menu，主打特惠午市套餐。我哋嗌咗兩個set lunch share食。沙律午市套餐包沙律同埋餐飲。沙律菜絲日式芝麻醬調味，配上烚蛋同蕃茄仔，幾清爽。香煎龍脷柳配蕃茄汁意粉$78估唔到午市特惠套餐，擺盤都唔錯。龍脷魚柳煎得外皮香脆，魚肉都幾厚身，肉質嫩滑。蕃茄汁意粉調味剛好上面還有啲芝士粉同鮮冬菇片，意粉軟硬適中。法式紅酒燴牛柳意粉$78呢個意粉擺盤就較為平實，但係牛柳幾有驚喜，煮得非常腍滑而且入味，牛柳嘅件數都有6件左右。醬汁微辣，撈意粉食好惹味。藍莓乳酸沙冰我哋冇要跟餐嘅餐飲，加咗$38配特飲。我揀咗呢個藍莓乳酸沙冰。上枱時嚇一跳，估唔到沙冰係咁大杯，沙冰堆到成個生仔咁，忍唔住打卡一下。沙冰軟綿，藍莓味幾香，甜度適中。回魂冰同事點嘅系呢杯咖啡沙冰，同樣大大杯。同事話呢杯咖啡沙冰咖啡味道香濃，加上係沙冰超級冰凍，飲完真係會回魂醒神晒，好啱打工仔食飯時候飲返杯，之後開工一定唔會瞌眼瞓。