更多
2019-08-24
344 瀏覽
一入呢間餐廳超驚喜！因為張凳超大，好chill 慢慢傾計勁舒服，係日系和式的風格，唔會人迫人。一入來就比杯冰水，好貼心！上菜都好快，4個人食呢個分量都多左🤣左口魚芥末忌廉沙律沙律超級有驚喜！因為本身唔想再食一成不變嘅蟹籽沙律🥗而特登叫左口魚沙律，左口魚魚肉好滑，分量都幾多片，芥末忌廉口味超清新，少少倉鼻的芥末好正！口感好好，蔬菜爽脆新鮮，非常之值得一試！日本鮮海草沙律因為朋友食素，所以就叫左一個海草沙律俾佢，一般餐廳都幾少見，口感唔錯爽脆，醋味清新，但係由於全部都係蔬菜，所以就比起左口魚沙律稍微單調，但係對於食素嘅朋友來講都係有選擇！明太子蟹肉炒飯明太子分量多，味道10分搶眼，唔腥得來好海鮮風味🤣 蟹肉相對淡味左少少，但都食得出，整體炒出嚟香口，乾身而唔會太濕軟！炒飯分量好足料～原條蒲燒鰻魚飯估唔到鰻魚竟然有咁大條！三四個人分享食，每人都食到好多，好鍾意佢個燒汁唔會死鹹，甜得來又帶出鰻魚嘅鮮味，饅魚夠肥美又軟滑，無骨入口即化，十級好食！呢個價錢食到咁大分，真係好抵！淮山醬油漬淮山超級爽脆，開頭仲以為粉粉的～唔會話好軟爛，淮山因為本身冇乜味，所以都好睇佢調味調得好唔好，醬油微甜微咸入易口
左口魚芥末忌廉沙律
沙律超級有驚喜！因為本身唔想再食一成不變嘅蟹籽沙律🥗而特登叫左口魚沙律，左口魚魚肉好滑，分量都幾多片，芥末忌廉口味超清新，少少倉鼻的芥末好正！口感好好，蔬菜爽脆新鮮，非常之值得一試！
左口魚芥末忌廉沙律
$72
10 瀏覽
0 讚好
0 留言
日本鮮海草沙律
因為朋友食素，所以就叫左一個海草沙律俾佢，一般餐廳都幾少見，口感唔錯爽脆，醋味清新，但係由於全部都係蔬菜，所以就比起左口魚沙律稍微單調，但係對於食素嘅朋友來講都係有選擇！
日本鮮海草沙律
$63
11 瀏覽
0 讚好
0 留言
明太子蟹肉炒飯
明太子分量多，味道10分搶眼，唔腥得來好海鮮風味🤣 蟹肉相對淡味左少少，但都食得出，整體炒出嚟香口，乾身而唔會太濕軟！炒飯分量好足料～
明太子蟹肉炒飯
$118
9 瀏覽
0 讚好
0 留言
原條蒲燒鰻魚飯
估唔到鰻魚竟然有咁大條！三四個人分享食，每人都食到好多，好鍾意佢個燒汁唔會死鹹，甜得來又帶出鰻魚嘅鮮味，饅魚夠肥美又軟滑，無骨入口即化，十級好食！呢個價錢食到咁大分，真係好抵！
原條浦燒饅魚炒飯
$148
10 瀏覽
0 讚好
0 留言
淮山醬油漬
淮山超級爽脆，開頭仲以為粉粉的～唔會話好軟爛，淮山因為本身冇乜味，所以都好睇佢調味調得好唔好，醬油微甜微咸入易口，食素的朋友好鐘意，如果係食緊炸蠔嘅時候配呢一個都好正！
醬油准山漬
$48
12 瀏覽
0 讚好
0 留言
廣島炸蠔
估唔到呢個價錢68蚊有四隻，我開頭以為得兩隻🙈
蠔炸得好好，外邊個皮唔會太厚身太油膩，鬆化脆卜卜，入邊蠔就軟滑唔韌，唔腥，啖啖肉好正！性價比高。不過我就嫌佢嗰個醬汁味道偏甜左少少，如果酸少少會更加夾🤣但係炸野水準真係炸得好好！
日式廣東炸蠔
$68
10 瀏覽
0 讚好
0 留言
燒雙重芝士年糕
呢個都係為咗食素嘅朋友而叫嘅。估唔到係呢一種質感，外面係脆皮，年糕烤出來的出邊微焦好香口，鋪左芝士係面烤得微焦微溶！入邊亦都有芝士流心，對於食芝士味來講真係好啱，我地都好鍾意，我哋仲叫咗兩盤！一碟得2個唔夠分～
燒雙重芝士年糕
$58
5 瀏覽
0 讚好
0 留言
長崎潮鯛牛乳鍋
$132
10 瀏覽
0 讚好
0 留言
長崎潮鯛3.7牛乳鍋
其實係我第一次食牛奶鍋，鹹鹹香香超級重牛奶味，如果驚牛奶味嘅人就未必啱啦，但係如果好鍾意奶製品就超適合！小心佢會好易滾瀉，所以要睇住個火啊！食嘅係鯛魚，覺得同牛奶幾匹配，因為如果食豬肉牛肉就會太重遮曬牛奶味～ 魚肉切得都好大片，值得一試，配料有粉絲豆腐好豐富，4個人叫一鍋就差唔多啦
總結覺得呢間店唔錯，雖然野食係中價，但食物好食，分量唔少，重點係坐得舒服，4個女仔坐左成晚傾得好開心，唔會有交台壓力，應該會再去啊！
張貼
