波記燒臘粉麵店

營業中

休息中

波記米芝連平民推介依度日日都大排長龍，如果去到lunch hour 外賣堂食都一定要排隊，而且營業時間係上午11點開始，賣晒就收鋪，每日大約六點收，要食就早啲去食，咁就唔駛排隊啦。波記環境就一般，而且坐位亦唔多，人多時亦坐得比較密。不過係值得嘅，我次次都叫叉燒飯，都係四十幾蚊。重點黎啦，啲叉燒肉質軟腍又唔肥，略帶玫瑰露香氣加上香甜蜜汁，鹹甜適中，真係流晒口水。🤤雖然依度最出色係鵝髀，但係價錢比較貴，所以我就冇試過。係度食最緊要快靚正，冇得慢慢坐。