串燒堂

營業中

休息中

•西環串燒堂•西環新開左間串燒店叫串燒堂，放工同同事去試吓，平日晚上都好爆場，外賣機不停響，所以都幾期待佢既食物質素。試左燒鮑魚同魷魚，火喉拿捏得岩岩好，一啲都唔un又唔腥, 仲好滑嫩多汁，配埋特製醬汁，惹味到不得了。另外叫左燒豬頸肉，雞軟骨雞腎半打雙併，羊肉串同牛肉串。肉類方面同樣出色，無一款係「鞋烚烚」既，全部都整得好入味，雞腎好多地方都容易燒到硬實實，但呢間就竟然燒得好軟彈，非常不錯。店舖好整潔光猛，就算好夜到都好多人，眼見好多大學生同情侶光顧，同時又好多外賣員取外賣，店員都應付自如，上碟速度好迅速，夜遊堅尼地城可以黎呢間餐廳試吓。