Channel 3 Tapas Bar & Restaurant

營業中

休息中

好多人放工都想趁Happy Hour，同朋友飲杯野試吓美食。呢間主打西餐嘅酒吧一坐底就奉上一份＄４０嘅芝士墨西哥脆脆配酸忌廉醬，仲可以無限refill 添🥠💗西班牙香煎蟹餅($88)外皮炸至金黃色，非常脆口🦀同以往食開嘅一絲絲蟹肉好唔同，口感好似泰式炸蝦餅咁，當中仲有生菜絲同少少魷魚粒，超級爽口彈牙🦑同時麵粉量較重，食落都幾厚實。海鮮味重幾鮮甜，加上面頭甜甜酸醉嘅意大利黑醋好開胃。但悲傷小姐覺得似花枝餅多過蟹餅🤣💗德國蜜汁豬手($208)隻豬手Size真係巨無霸級🍖大大塊脆皮炸到金黃色，咬落去勁香口，唔會炸到好硬同成口油。 切開裡面色澤粉嫩，脂肪比例較少，肉身仍然好軟滑，筋位爽口彈牙，充滿骨膠原。食落結實咸香，配埋自家製嘅酸甜西班牙醬汁，帶少少蜜糖香🍯配菜嘅薯角亦炸到好透身，食落唔會好明顯有薯皮，勁多薯仔肉好厚身，灑埋少少卡真調味粉更惹味🥔💗巴塞隆拿海鮮炒飯($148)炒飯嘅質感有d似Rissoto，相對冇咁濕同creamy。飯粒硬度啱啱好，唔會太痴有咬感，不過再乾身d就更好。一食落去有濃烈嘅龍蝦湯味🦞仲有淡淡番茄香🍅配料份量十足，有蜆肉、魷魚粒同洋蔥粒🧅鮮味十足，加埋辣肉腸夠曬惹味。