夢工房西日料理 (已結業)

係葵芳行左成日街，行到累又肚餓，好想食日本野但又好多都食過曬。用openrice一搵原來係地鐵站附近好爵中心有間西日放題店，見食評都唔差一於去試一試。其實店鋪位於地鐵站同巴士站則邊，亦即係大型商場對面，只需要行大約五分鐘就到。店鋪好大好深，差唔多有成五十張台。環境唔錯，燈光夠亮，外觀整潔。因為我地假日去食七點至八點半去所以收費$178。呢個價錢真係非常吸引，而且聽店員講只需要加多$68蚊就可以任食生蠔同松葉蟹。嘩生蠔任食，咁真係要試下。入到去坐低都係同平時放題一樣咁劃紙仔，而食物種類也離不開：刺身、壽司、卷物/手卷、小食/沙律、串燒/燒物、鐵板料理、一品料理、食事/拉麵、火鍋配料、甜品、飲品。另外這個價格也有啤酒，清酒，梅酒任喝，非常超值！第一round 就緊係食生蠔同松葉蟹，蟹腳甜而大梳肉、生蠔非常之肥美又大隻，而且好有鮮味冇沙，真係物超所值，只係食生蠔都夠回本la~~清酒，夠純唔差。刺身，我地主要叫左鮮甜既帶子，每件可以一口一口咁食好方便，厚厚既三文魚，食落去冇根，吞拿魚尚存魚鮮味，甜蝦完全有雪藏味。因為主要都係留返個肚食生蠔，其他都係輕輕食左一兩件。天婦羅，油量唔多，外脆內鮮。小