Pom's Kitchen & Deli (已搬遷) 新店位置

前幾日復活節假同幾個知己行開尖沙咀 就係附近搵好野食就簡咗哩間食一個西式既晚餐😋餐廳環境算係裝修得幾靚 幾有格調👆🏻 我地個日算早去所以仲有位可以比我哋唔使點等就入座✌🏻🤓 我地睇咗陣餐牌就好快咁嗌咗野食💥 上餐速度都幾快 我地傾左陣計就上咗湯同餐包 味道都算係唔錯🔥 餐包係法式既蒜蓉包食落夠哂蒜蓉味 配餐湯都幾好👍🏻主菜我嗌咗 天使紅蝦香辣蒜片墨魚麵🍝 跟餐會有餐飲配姐埋 我就嗌咗杯凍檸茶 檸檬都算幾多片 夠哂茶味 糖就係分開落既🍹墨魚麵比我地想像中既辣 但係份量又比我地想像中既多🤔 墨魚麵有少許既油膩感 但個味道係幾好吸引既 所以我地幾個都好快咁食哂成碟麵😋 麵質唔會話好硬 亦都唔算偏淋身 ❗️要注意食完之後個嘴真係會變到黑媽媽👄不得不讚佢既紅蝦係超新鮮同夠哂大隻🙀 紅蝦食得出好鮮味同甜美👍🏻 我地覺得哩款係值得一試 個味食得出幾正宗西式野 同出面比較少有機會食到哩款😗朋友既跟餐會有紐約芝士蛋糕🍰 我地share咗黎食😋 芝士味幾濃厚 口感食落偏硬 不過係夠哂幾香 唔會食到好滯 份量岩岩好😍整體黎講 我同朋友都覺得可以再黎哩度食野因爲食物質素算係幾高 而且坐得幾舒服又唔會話坐耐咗趕我