影片
更多
2021-08-16
498 瀏覽
❀ Chaiwala #中環 ❀❗️裝修一流印度餐廳 期間限定$198位❗️——————————————————DiningCity’s restaurant week又返嚟啦！由今日起至9月5日有多達數百間餐廳嘅優惠(有興趣了解更多可以睇返我嘅highlight😚)。今次嚟到bookmark已久嘅印度餐廳，午市$198位，無需加一😆！聽過唔少好評，甚為出名。其實佢係屬於大型外國飲食集團Pirata，為人熟悉嘅意大利餐廳Pici都屬同一集團，質素有一定嘅保證，而且都係充滿異國vibe嘅餐廳🤩裝修非常有風味，藍色嘅外牆配上紅色大門極之奪目，內裏仲有好多印度裝飾，非常之靚！不過今次嘅食物就冇想像中咁特別啦。.✷𝑀𝑒𝓃𝓊✷☞ DiningCity’s restaurant week $198/1 無加一♥ Starter✦ Aloo Tikka Chaat (4.1/5)係一舊香口嘅炸薯餅，表面香脆，內裏係紮實綿滑嘅薯蓉。最正係表面嘅印度醬汁，有常見嘅乳酪、薄荷醬、同埋甜甜地嘅啡色醬汁，互相平衡得好好。再加上少許香辣香料、鷹嘴豆，好惹味😋！.✦ Pani Puri with Jal Jeeri
❗️裝修一流印度餐廳 期間限定$198位❗️
——————————————————
DiningCity’s restaurant week又返嚟啦！由今日起至9月5日有多達數百間餐廳嘅優惠(有興趣了解更多可以睇返我嘅highlight😚)。今次嚟到bookmark已久嘅印度餐廳，午市$198位，無需加一😆！
聽過唔少好評，甚為出名。其實佢係屬於大型外國飲食集團Pirata，為人熟悉嘅意大利餐廳Pici都屬同一集團，質素有一定嘅保證，而且都係充滿異國vibe嘅餐廳🤩裝修非常有風味，藍色嘅外牆配上紅色大門極之奪目，內裏仲有好多印度裝飾，非常之靚！不過今次嘅食物就冇想像中咁特別啦。
.
✷𝑀𝑒𝓃𝓊✷
☞ DiningCity’s restaurant week $198/1 無加一
♥ Starter
✦ Aloo Tikka Chaat (4.1/5)
係一舊香口嘅炸薯餅，表面香脆，內裏係紮實綿滑嘅薯蓉。
最正係表面嘅印度醬汁，有常見嘅乳酪、薄荷醬、同埋甜甜地嘅啡色醬汁，互相平衡得好好。
再加上少許香辣香料、鷹嘴豆，好惹味😋！
Aloo Tikka Chaat
94 瀏覽
0 讚好
0 留言
.
✦ Pani Puri with Jal Jeeri (3.9/5)
呢個係印度地道街頭小食。
薄脆嘅圓形內裏裝着少少薯粒同埋香料，再倒入清新嘅薄荷醬。
記住要一啖食晒，感受各種味道同口感嘅爆發💥。
Pani Puri with Jal Jeeri
68 瀏覽
0 讚好
0 留言
.
♥ Tandoori
✦ Classic Chicken Tikka (3.8/5)
去親印度餐廳基本上都會食chicken tikka，就係冇骨嘅烤雞肉🐔。
用印度特色醃料，呈現橙紅色，味道香辣。
幾欣賞呢兩舊又大又嫩，不俗！
Classic Chicken Tikka
25 瀏覽
0 讚好
0 留言
.
✦ Waygu Seekh Kebab +$38 (3.7/5)
由於另一款烤物係素，我哋呢啲肉食獸決定加$38試吓wagyu kebab。
印度嘅kebab同中東土耳其唔一樣，通常都係將肉打磨整成香腸形狀。
口感會有啲似肉丸，所以講真係咪waygu就真係唔太食得出🙈。
味道唔算好特別，主要都係靠旁邊嘅薄荷醬吊味，覺得唔需要加錢試🙊。
.
♥ Curry
✦ Old Delhi Butter Chicken (3.8/5)
印度餐廳當然唔少得咖喱🍛！
Butter chicken絕對係經典之選，普遍嘅butter chicken都係甜，即使唔食辣都會接受到。
不過依家反而辣味幾重，冇想像中咁甜，反而似一般嘅印度咖喱。
雞肉份量唔算好多，反而仲比chicken tikka鞋少少🤏不過用撈飯食都OK。
Old Delhi Butter Chicken
49 瀏覽
0 讚好
0 留言
.
✦ Kerala Fish Curry +$68 (4/5)
因為另一個選擇又係素食，所以我哋就加錢要咗呢個魚咖喱🐟。
反而呢一個仲甜啲，椰香味更重，仲有唔少香甜嘅洋蔥。
魚嘅份量同樣唔算多，不過夠滑溜。
相比之下更鍾意呢一款🤣！
Kerala Fish Curry
57 瀏覽
0 讚好
0 留言
.
✦ All served with plain naan/ butter naan/ garlic naan/ Kashmiri nuttie mutter palao/ basmati rice (3.9/5)
另外每人可以再選擇配Naan/飯。
我哋揀咗garlic naan、palao。
前者香脆，不過得一塊，少少唔夠喉。
後者就係一碗青豆炒飯，望落去冇乜色水，不過入口都幾香，用嚟送咖喱唔錯👌🏻。
.
♥ Dessert
✦ Chaiwala Carrot Cake (4/5)
最後雖然唔係傳統嘅印度甜品，但的確幾好味！
蛋糕內裏夾雜着紅蘿蔔同埋一啲果仁碎，香甜鬆軟。
配上含有雲呢拿籽嘅雲呢拿雪糕，好食😋。
Carrot cake
23 瀏覽
0 讚好
0 留言
——————————————————
✨整體味道: 3.9/5
✨環境裝修: 4.2/5
✨服務態度: 3.8/5
✨性價比: 4.1/5 (restaurant week)
✨再訪興趣: 3.8/5
.
💞整體來講
餐廳環境非常有特色，充滿異國風情，而且非常之大，適合一大班朋友慶祝！食物質素不過不失，冇我預期中咁特別，不過係restaurant week期間$198一位而且唔使加一算幾抵食，可考慮一試，但我唔會話係必試🤭
張貼
