Mad for Garlic (已結業)

同朋友食生日飯，想食啲Fushion菜，左揀右揀最後決定試下呢間以蒜為主題既餐廳。好彩早兩日Book 左位，因為都真係幾多人黎食，入到去環境都約幾有情調，而且好多有間住既卡位，坐得都舒服。Caesar salad $88食西餐一定會叫Caesar salad，而呢個 Caesar Salad都好有驚喜，因為原隻生菜試都係第一次，不過真係唔可以唔讚佢既羅馬生菜真係幾爽同好新鮮，同埋呢個沙律都有鋪試香烤蒜，令整個沙律同左Fresh仲好香口。 Crab & Lobster Pasta $148滿滿既忌廉醬令奶油香味好重，同埋好Cream既質感，表面鋪滿既蟹肉同龍蝦肉份量都唔少，為意粉帶黎微辣香味，令個意粉唔會只係得忌廉味咁單調，另外意粉亦冇過淋，岩岩好。 Garlic Hug Steak $228呢個烤澳洲牛柳原本叫左5成熟，不過最後都係Overcooked 左，好彩牛柳本身質量好，都唔會韌，而且都多肉汁，另外整個牛柳充滿蒜香味，牛柳面仲鋪滿好香脆既香蒜片，所以都幾正。