稻田食堂

營業中

休息中

日式炸嫩雞, 外面炸得香脆, 入面嘅肉汁仍然保留住喺度, 唔會好乾身, 加埋佢酸酸甜甜嘅沙律醬認真開胃好食日式炸餃子, 就普通d 喇, 係一般超市買到嘅餃子, 但佢就整得幾香口, 好食。鰻魚壽司, 都係正正常常普普通通。福岡芝士漢堡扒就勝在有芝士係內面, 唔會好乾, 佢又有d 肉汁, 唔錯唔錯。反而佢嘅吉列大蝦, 外面嘅炸漿唔會太厚, d 蝦都好彈牙。佢嘅咖喱飯呢, 咖喱就普通日本咖喱水平啦, 啲飯就有少少軟身, 但都可以接受。至於個燒汁飯呢, 感覺就似豉油撈飯, 可以不用一試。