葡匯咪走雞葡國餐廳 (已改名) 查看

最近同事去澳門玩，談論起葡國菜，突然興起好想食。想食正宗葡餐又唔一定要坐船過大海嘅，有朋友推介過呢間咪走雞，而家仲由西貢搬咗出尖沙咀，非常方便。🍞橄欖多士坐低每枱都會有多士同橄欖。多士好脆，可以用嚟配牛尾食。🐂砵酒炆牛尾牛尾炆得好冧好入味， 個汁好濃郁， 蘿蔔等配菜都好出色。夾住多士食連汁都撈埋唔會嘥😋。🧀 爆芝馬介休球馬介休球就食得多，有芝士係入面嘅都係第一次食。 炸得香香脆脆，外皮唔會太厚身。Size比普通馬介休球大一倍，砌開有好多芝士流出來。 本身係芝士控，所以勁like呢個爆🧀馬介休球👍🏻🍝葡式海鮮意粉味道酸酸甜甜好開胃，海鮮好多，用料十足。食完主菜當然要試下甜品啦試咗兩款熱嘅甜品：🍞葡式西多士葡式芝士多士加上砵酒肉桂醬🍞外脆內軟，好香口。食起上嚟，完全唔覺得油膩。🍴 廚師專業推介就咁睇個名雖然唔知佢係乜，不過真心推介呢個甜品😋 脆薄嘅酥皮紙包住香軟嘅香蕉，再加入咗薑汁， 估唔到香蕉同薑係可以咁match㗎！最後加埋凍冰冰嘅雲呢拿雪糕，成個甜品非常之有層次。可惜訂枱時冇預訂埋🐷葡式烤乳豬， 下次有機會會再試。 是次推介：🐂砵酒炆牛尾🧀爆脂馬介休球🍴廚師專業推介