麻辣風雲 (荃碧大廈) (已結業)

最近疫情關係多數都係2個人去食飯。由於朋友之前已經見到佢哋有個大閘蟹2人套餐，所以今次係特登嚟食呢一個套餐！套餐有水煮魚，辣嘅程度有小/中/大辣，我哋就食小辣。小辣辣到適中，魚唔錯，配菜都多，有萵筍、芽菜、薯粉等 ，分量足夠二人食。蒜蓉炒芥蘭苗，清清地同埋好大份。芥蘭苗新鮮好甜，炒得唔錯。主角係即蒸大閘蟹，大閘蟹有四款口味，（香辣/麻辣/鹽焗/清蒸）既然出街食，就要試吓平時比較少食嘅口味，揀咗香辣同鹽焗試試香辣大閘蟹辣味唔算太重，重點蟹嘅質素唔錯，size 4両左右1隻，4隻都爆膏。套餐$488 加一，最後2人埋單$5xx