爆丼丼 (已結業)

上星期和媽媽到荃灣街市買餸時,見到有間食爆丼飯啲小店,決定今日走來食個晚飯。店鋪不是太大,但都坐得很舒服。一坐低,就見到牆上貼滿了食物的海報,令我和友人都胃口大開。我地揀了一會,決定叫兩個丼,一個火山爆丼,一個安格斯牛肉鵝肝丼。等了一陣,先嚟個麵豉湯,麵豉湯不會太咸,味道適中,仲有啲海帶,豆卜,都算多料。,之後,火山爆丼好快就嚟到啦,這個魚生飯有拖羅蓉，帆立貝,吞拿魚,三文魚，三文魚籽 5款魚生,鋪滿了個飯面,三文魚籽更是精瑩通透,圍滿飯碗邊,帆立貝和吞拿魚都切了細粒,每種魚生都好新鮮,將wasabi 魚生同飯撈埋一齊食,感覺刺激又好味。安格斯牛肉鵝肝丼 1很多安格斯牛肉鋪在飯面，仲有兩件煎到金黃色的鵝肝,加上青綠的葱花和椰菜夠晒份量,好想食晒落肚。鵝肝煎得很好,不會一咬落去成口油,好甘香,撈埋飯食好好味。安格斯牛肉,有好多件,肉味十足,廚師加了芝麻 ,所以,食落好香口,這個飯是熱的,一路食就覺得有種好幸福的感覺。這間小店雖然地方不大,但店員的服務態度唔錯,友善。可以再來嘗試其他丼。