這間不是普通一間酒吧,裏面滿是貓兒的裝飾,還有一個投影著貓兒的動畫,好得意。 這裏雖然是酒吧,但菜式唔少,晚餐還可以將主菜加50元就可轉餐。 晚餐包括沙律,餐湯,飲品同甜品。 我和友人揀了一個晚餐和一個主菜轉餐。揀了美國安格斯牛板胛和烤大蝦龍蝦汁意粉。 首先嚟嘅係餐包,餐包無限追加。而且還有幾款麵包,暖暖的夠軟熟。 沙律係什菜沙律,面頭好似係綠荳茸的東西,幾好味,沙律菜又夠新鮮,細細碗,份量啱啱好。 今晚餐湯係甘荀忌廉湯 好香甘荀味,濃稠程度剛好飲落還有點甘荀蓉,配合餐包一流。 美國安格斯牛板胛 好少地方可以食牛板胛，所以,特意叫來試試。牛板胛有3件,每件大小都好均等,有點厚身,廚師每件都煎得好靚，好均勻,食落去,比牛扒的質感有點唔同,牛板胛較為實,肉質都不錯,肉味都好重,沒有選擇錯。這個主菜還配上了秋葵,薯蓉和蕃茄串,份量夠晒足夠。 烤大蝦龍蝦汁意粉,有兩大隻蝦,蝦身夠多肉,肉質夠實,夠新鮮。意粉被濃郁嘅龍蝦汁浸滿,仲有香菇和蕃茄仔，意粉又不會太林,每一啖都有龍蝦汁味,好正。 到叫餐飲的時候了,這裏較為多選擇,除了檸水,檸茶,奶茶,咖啡外,這裏還可選多款果汁，汽水,加15元仲有多款Mocktail 和奶昔選擇,好多樣化。 我地揀了橙汁和伯爵紅茶。橙汁用了個酒杯載著,大杯但較多冰,溝稀了橙汁的味道,但酒吧就是這種風味吧。 最後甜品送上,是芝士蛋糕，好香芝士味,不會太硬。一個餐有咁多嘢食,好抵。

今晚約了媽媽睇戲,睇戲前梗係醫咗個肚先,媽媽想食中菜,又不想周圍去,原來喺戲院對面開咗間中菜館。門口就掛滿了燒味。媽媽二話不說就走了進去。 餐廳裝修得好骨子。用了雀籠做燈的裝飾，每張枱都有4種唔同嘅調味料,都是用公雞圖案作器皿盛載的,好懷舊。再望下餐牌,又好多唔同種類,燒味仲有海鮮套餐,餐牌上仲有啲必食精選。 我和媽媽就揀了其中一樣必食的菜式就是清湯蝴蝶腩 ,另外,叫了個廚皇(發發)推介 泰式咸魚茸炒通菜 坐了一陣 炒通菜送上啦。通菜好青綠,咸魚茸都不少,但不是太辣,所以,媽咪都好啱食。廚師將通菜炒得脆卜卜,份量又唔少,唔錯。 清湯蝴蝶腩就等了大約20分鐘先到雖然等咁耐,但完全無失望。牛腩是用瓦煲上的,保持熱辣辣。蘿蔔同牛腩的份量都多。蘿蔔好林,雖然現在不是冬天,但蘿蔔都沒有筋,雪雪白白,吸了牛腩味道,好正。至於牛腩，真的沒有失望。牛腩大件又厚身,但炆得好林,連媽媽都咬得好輕鬆,沾上辣椒醬更加好味。湯底好濃胡椒味。夠驅風。雖然好大煲,不消一陣,就和媽媽食晒啦。加埋叫了兩個白飯,真係攬住個肚嚟睇戲,哈哈最後,仲有甜品送,今晚係蕃薯糖水,蕃薯夠多又夠林,糖水底又夠辣,真係劃上完美句號。

荃灣最近都開了好多新食肆,就在地鐵站行落嚟不遠,就見到這間新餐廳“夏捌月” 個名幾得意，所以特別易記。今日就和友人來這間餐廳食晚餐。

這裏裝修帶西方格調,牆上掛了Marvel電影裏的明星掛畫,我唸老闆一定鐘意睇依套電影。
坐低後，望下餐牌，見到除了晚餐外.還可以將主菜加20元就有餐湯和熱飲
我地揀咗慢烤香草带骨肉眼牛扒 和烤焗豬鞍扒拌醬油燒元貝
首先嚟個周打魚湯,餐廳用了得意可愛嘅碗載著,湯內有魚肉的,真材實料,味道唔錯,不太咸,好快飲晒。

慢烤香草带骨肉眼牛扒
牛扒好大件,煎得好靚,好吸引。牛扒邊帶點牛筋,食落口腔裏充滿油份,正。牛扒我地叫5成熟,煎得沒有過火,每啖都帶著牛扒的肉味。每款都有大大條的薯條,甘荀和蕃茄仔,咁就營養夠晒均衡啦。

烤焗豬鞍扒拌醬油燒元貝
豬鞍扒好厚身,煎得金金黃黃好靚,豬扒雖然好厚身,中間無血水,係完全熟晒的,但食落唔覺乾身,還有豬肉鮮味。帶子一樣都煎得外脆內軟。帶子只是外面煎熟,裏面只是半生熟,煎到咁真係高技巧,感覺好嫩口,正。

餐飲叫了餐廳特別調製了的3種涷飲料，分別是咖啡,奶茶和朱古力。都是用了特別的樽載的。
我地每款都有叫,雖然是涷飲,但沒有加冰的。是原樽雪涷,比起冰鎮更加好飲。
咖啡的味道好似某咖啡專問店的味道一樣,好濃郁，不太甜,不會好苦。因是全樽雪,夠晒原汁原味。
奶茶味道比美茶餐廳奶茶的味道,但平時的涷奶茶是加了冰,味道淡晒,這樽就不同,每啖都同一味道,好飲。
涷朱古力都係好吸引的飲品,好香朱古力味,唔會好甜,啱晒大，小朋友飲。
這裏坐得都好舒服,店員服務殷勤,感覺舒服

上星期和媽媽到荃灣街市買餸時,見到有間食爆丼飯啲小店,決定今日走來食個晚飯。店鋪不是太大,但都坐得很舒服。一坐低,就見到牆上貼滿了食物的海報,令我和友人都胃口大開。 我地揀了一會,決定叫兩個丼,一個火山爆丼,一個安格斯牛肉鵝肝丼。 等了一陣,先嚟個麵豉湯,麵豉湯不會太咸,味道適中,仲有啲海帶,豆卜,都算多料。, 之後,火山爆丼好快就嚟到啦,這個魚生飯有拖羅蓉，帆立貝,吞拿魚,三文魚，三文魚籽 5款魚生,鋪滿了個飯面,三文魚籽更是精瑩通透,圍滿飯碗邊,帆立貝和吞拿魚都切了細粒,每種魚生都好新鮮,將wasabi 魚生同飯撈埋一齊食,感覺刺激又好味。 安格斯牛肉鵝肝丼 1 很多安格斯牛肉鋪在飯面，仲有兩件煎到金黃色的鵝肝,加上青綠的葱花和椰菜夠晒份量,好想食晒落肚。 鵝肝煎得很好,不會一咬落去成口油,好甘香,撈埋飯食好好味。 安格斯牛肉,有好多件,肉味十足,廚師加了芝麻 ,所以,食落好香口,這個飯是熱的,一路食就覺得有種好幸福的感覺。 這間小店雖然地方不大,但店員的服務態度唔錯,友善。可以再來嘗試其他丼。

今日和朋友想揾達地方靜靜地傾偈,朋友揀了在尖沙咀上樓餐廳。因為樓上鋪,所以地方都好大,每張枱都有一定的距離,所以,傾偈啱晒。 餐廳的裝飾好特別,牆上全部都是鈕,好七彩,好繽紛,令人好開心。 坐低後,店員好快就遞上開水給我們,可以令我和友人好舒服咁睇下有什麼嘢食。這裏除了主食外,還有多款嘅精緻甜品。 我和友人就叫了 鮮蝦牛油果沙律 比我想像中的不同,牛油果沙律,一般做法都是將牛油果切件伴著沙律菜。這道沙律令我好有驚喜,居然是將牛油果打蓉,中間全部都是牛油果蓉, 鮮蝦雖然不是好大隻,但勝在夠新鮮,沒有腸,可以將鮮蝦和牛油果蓉混在一起食,各自的味道互相輝影,感覺特別的牛油果沙律 北海道帶子香葱炒飯 带子就是主要材料,所以份量都好多,每一啖都有。好鮮味.這個飯看似簡單,但做得好好,因為每粒飯都好乾身,同埋粒粒飯好鮮明,不會油淋淋和太咸，仲有葱嘅香味.好快和友人食完全碟飯 芒果乳酪 這兩杯涷飲品好特別,送來時是冒著煙的,原來用了特別技術在杯底放了乾冰。 芒果乳酪，味道較清淡,芒果味帶點清香,乳酪不會太酸,整杯飲品都好清新 玫瑰茘枝特飲 有幾片玫瑰花辮，淡粉紅色,買相吸引。一樣有煙散發出來.好似在仙境咁,飲下一啖,有好香的茘枝味,夏天飲夠晒暑。 食完正餐,當然要叫甜品,知道這裡的甜品相當出色,所以當然要食啦。 見到餐牌有個叫做神秘甜品,好奇下問下店員,原來係食客可以在當中的甜品揀3款,是迷你版的甜品。我和友人都想試唔同味道的甜品,所以揀了這個。我們選擇了..... 甜品到了,賣相好精緻,碟上還有些鈕扣和石仔，原來全部都是糖和朱古力,所有都食得的 神秘甜品 富士蘋果撻，柚輪(蜜柚芭菲拿破崙),小糖鈕森林(意大利黑松露.白朱古力忌廉) 首先食富士蘋果撻,面頭就是雲厘拿雪糕,好滑。下面就是蘋果蓉，已經煮到好淋,但依然有好香的蘋果味,不是太甜。整個甜品食完都不會覺得好滯。 到中間嘅柚輪,平時的拿破輪都是一層層的，這兒卷成一個輪,更加高技巧。雪芭上放了一條班蘭脆條作點綴，感覺有淡淡的班蘭香味,至於柚子雪芭，面頭有些柚子肉,酸酸甜甜,雪芭好清新,柚子味都好出,不會啖啖都係沙冰,做得很好。 至於最後一個係最重口味,哈哈～小糖鈕森林就是黑松露菌白朱古力毛士,底就是香橙燉蛋。黑松露味好濃烈,配合白朱古力做成嘅磨菇,一濃一淡,配合得正好。至於底層的燉蛋,好滑,有淡淡的香橙味道。食完朱古力,食番橙味的甜品,好配合。

雖然已經夏至,但友人依然喜歡打邊爐,但今次去這間,又同別的不同,首先裏面的間格,大部份都是用屏風隔開,可以好有私穩。
感覺好有中國風,再看下餐牌,湯底果然有別其他餐館。這裏的湯底好保身,有6款,由128-168 元不等,可以選擇鴛鴦鍋,會計較高價錢的湯鍋。我和友人揀了秘製薑母鴨鍋拼寧神養心鍋
等了一會,湯底送到。一揭開,有點嘩一聲,因為湯料十足,養生鍋有半隻竹絲雞,仲有其他藥材。
秘製薑母鴨鍋,有好多鴨件,又有千層涷豆腐和台灣炸豆皮。涷豆腐索晒湯汁,好好味。

火鍋嘅餸我們就叫咗霜降肉眼肥牛
每塊都是卷著的,雖然望落數量不是太多,但原來每塊都好大件,食一,二塊已經好夠,牛肉味道好香，唔會好肥,滾兩滾就食得。
這個酒香白肉好特別,不是每間火鍋店都有得叫,所以,好奇心驅使咗我叫了。嚟到見到好似一碟肥豬肉咁,有點失望。但滾完後,吃下去又有點驚喜。豬肉好香酒味,肥的部分嘅脂肪已溶化,食落有點入口即溶的感覺,皮還帶點爽口
即炸脆響鈴
size 比一般響鈴大,滾兩滾就食得,好香豆味,感覺新鮮,響鈴索了湯的精華,更加好食。
寬粉條
嚟到係一碗白色的粉條,應該比起食烏冬或者公仔麵嚟得特別。這款很得意,滾幾滾食得,滾完之後係完全透明的,好特別。口感好滑,啜一聲就吞晒落肚,哈哈
最後還有甜品,有兩款味,榴槤和益力多,味道都好正
雖然今晚叫火鍋的餸不是太多,但因為湯底的用料實在太真材實料,所以食完已經好飽了。

最近世界盃狂熱,梗係要去感愛下氣氛,睇波前梗係要醫咗肚先。今次嚟依間又係餐廳又係酒吧,所以除了飲酒外,又可醫肚,一舉兩得。 這裏地方都好寬敞,感覺舒服,光線較暗,睇波一流。 望下餐牌,除了套餐還可以散叫。 我和友人就揀了兩個頭盤加個主菜。 其中一個頭盤係~白酒煮蜆配蒜蓉包  這個配搭好特別,但勝在抵食,白酒煮蜆,蜆嘅份量都好多,而且粒粒都有蜆肉,沒有沙,白酒的味道不會太濃,可能煮的過程已揮發了一點。傾下偈,飲下酒,配埋好香蒜蓉,脆卜卜 嘅蒜蓉包,一樂也。 另一個頭盤係 西班牙風乾白豬腿拼煙三文魚  這個頭盤份量都唔少,除了風乾豬腿和煙三文魚外,仲有沙律菜和麵包。煙三文魚好大塊,友人因為怕腥,所以他放在麵包上一起吃,見他食得好滋味。風乾豬腿,平時夾著哈密瓜一起食。今次配了沙律菜,感覺更加清新,無咁罪咎感。 西班牙脆皮乳豬配彩椒汁  乳豬雖然不是好大件,但外皮好脆,卜卜聲,肉質夠淋,同中式嘅乳豬又唔同 彩椒汁感覺有點特別,食落有點微辣。加上配菜粗薯條,雖然薯條唔夠乳豬脆,但好香薯仔味,都一條條咁食晒,哈哈。 另外和友人各自飲了杯cocktail mojito  這杯Cocktail 係薄荷,青檸,梳打再加上冧酒.因薄荷較清新,所以這杯酒味較濃。Blush 這杯有酒精,但可能這杯是溝了士多啤梨和茘枝,味道較甜,中和了酒精的味道,較易入口。 和友人飲下酒,傾下偈，燈光又柔和,好relax

偶然行至此處，看到一家頗具文青氣質的店。店內裝潢擺設看上去都非常舒服，於是便躍躍欲試進店內坐下。先說環境，店內十分寬敞明亮，使人感到舒適非常。店員親切地招呼我們入座，現場顧客雖然不少，但經店員的安排，我們稍等片刻便已能入座了。 餐牌奉上，看入眼中是新產品的台灣滷水豬肚麵，就決定試一試，不過我最後改成米線，再點多一客秘制麻辣豬耳仔，朋友亦點了雞翼滷肉飯。 先說豬肚麵，豬肚入口不會太硬，亦不會太咸，一般的餐廳都試不到這個味道，想不到台灣食店都有如此好味的豬肚。米線偏幼，軟硬度適中，配合湯底的調味濃郁，整碗麵令我喜出望外。 豬耳仔辣得惹味，對嗜辣的我當然樂得滋味，最估不到是我朋友一向怕辣，卻因嗅到辣的香味，而忍不住要試，他雖然認為很辣，但都不諱言是很好味。 朋友的雞翼滷肉飯，意外地是分開上，不過重點推介滷肉飯，飯的汁很多，不同其他台式滷肉飯，只是有表面的一層汁，滷肉份量亦較多，雖然汁多，但同時不會太咸，絕對是香港難得高水準的滷肉飯。 飲品方面，凍奶茶比凍珍珠奶茶的甜度適中，雖然都是正常份量，但凍珍珠奶茶甜度略嫌淡了些。 整體而言，店的裝潢風格，加上牆身貼滿台灣味道的海報和偶像劇與電影的流行曲，令人彷彿置身於台灣小文青店之中，加上食物味道不俗，確實是放假時覓食的休閒之地。

最近成日食放題,今日想和友人食得精緻啲。和友人約了去尖沙咀這間日式餐廳,這裏地方都大,又有吧枱可以望著廚師預備菜式。這間餐廳的食物都有不少選擇,而且點菜方便仲好先進,用ipad 點菜,所以菜式都有相片,可以清楚自己叫了什麼,自己直接落單,避免了落錯單。餐廳在每張櫈下有個籃比客人放隨身物品，夠晒窩心 我和友人叫了一個刺身三點, 每晚係選用不同的魚類,今晚係間八,鯛魚和吞拿魚。每款都有3件,厚切,三款都好新鮮,間八比較淡口,較清。鯛魚肉質感覺較爽,雖然帶點魚皮,但沒有渣,吞拿魚是三款最濃味的,一放落口就有即溶在口的感覺,鮮味,正 穴子丼 碗飯雖然不是大碗,但餸份量十分之多。鰻魚有好多件,鰻魚薄薄的,可以一口一條,肉體好嫩。又可以將每一條魚包住白飯來吃,一啖食晒,好滿足.鰻魚加咗啲鰻魚汁和芝麻,飯粒粒圓碌碌,日本飯寧舍好味。

同朋友剛從韓國返嚟,有點懷念當地的食物。今日就和友人去了旺角這闚樓上鋪食韓餐。 這裏地方都好濶落,侍應都以後生仔女為主,招呼夠快,服務都唔錯。 看了餐牌,除咗有唔同款嘅炸雞,仲有炸海鮮和在韓國街頭周圍都見到的魚糕。同友人就分別叫了海洋之盤及醬油魚介湯鍋。 海洋之盤~~啤酒炸蝦配炸魚薯條 這個炸物,有炸蝦,炸魚,薯條,每款都有4,5件,份量好多。配上兩種醬汁，檸檬汁和沙律汁。脆漿薄身。蝦好大隻 ,蝦肉彈牙,口感一流。魚肉一梳梳,啖啖肉好正。薯條都是即炸的,熱辣辣。 醬油魚介湯鍋 這個湯鍋覺得好抵食,一盆大大的湯鍋用明火燒著,用隔分開了四隔,除了有多款魚介,用竹簽吉住,大約有10條,份量都唔少,還有乾冬菇,雞蛋,另外還有一碗烏冬。 魚糕有唔同款式,有魚蛋,魚片,魚餅..每款都彈牙,好有魚肉味,烏冬放在湯內盪幾盪就食得。食完真係好飽 Mocktail 有兩種味道,我和友人叫了西柚味,Mocktail 夠晒涷,個水杯是雪涷咗的,咁飲落去就夠晒冰涷啦。正。西柚Mocktail 味道酸酸地,十足西柚的味道,應該是純西柚汁,唔覺有落糖。好開胃.但友人就不是太接受.