摩登堂 (荃灣廣場)

營業中

休息中

好耐冇食泰國菜，所以今日試咗呢間😙-🦀黃咖喱脆皮軟殼蟹 ($138)呢道菜係明爐上，keep住熱辣辣，仲有兩大隻脆皮軟殼蟹，好少餐廳會原隻上，仲要真係好大隻啖啖肉😍我哋另外加咗錢配蒜蓉包($28)，好濃蒜味同咖哩好夾，不過如果再脆啲就更加香口~🍜曼谷醉貓炒金邊粉 ($128)可以自選辣度，怕辣嘅都可以揀唔辣😋金邊粉軟硬適中，配上自製醬汁好開胃好惹味，仲有碎蛋同埋幾粒蝦仁，口感幾豐富，份量都比想像中大好多，可能三四個人都夠分🫡🐔手工無骨海南雞 ($88)口感滑嫩，有三種醬可以點，不過如果有酸辣醬就更好啦~仲可以加$12配香茅雞油飯，飯粒分明，大大碗好滿足😌🧋黑糖泰式珍珠奶茶 ($38)味道幾有驚喜，出面唔多泰國餐廳有得飲，而且珍珠幾煙韌，不過可以揀返甜度少啲，正常甜度略嫌太甜🥲🍋爆打香水檸檬茶 ($36)飲到有少少香茅味，味道幾新奇幾有泰式風味😂一樣大大杯，甜度適中，味道清新🫶🏻餐廳空間幾大，座位舒服，食物選擇多，而且菜式幾創新，甜品都好吸引，可惜今次小編食得太飽冇試，下次有機會一定要試吓🫡另外啲菜式嘅擺盤都幾精緻，打卡一流😆味道 8.5/10服務 8/10環境 8.5/10回頭率8.5