影片
更多
2024-03-06
748 瀏覽
荃灣大鴻輝有好多食肆，特別多任食放題類，今次👦🏻👧🏻去咗間中式酒樓食任食點心同火鍋，由晚上6點可以食到11點半，無限時可以慢慢食。而且價錢好抵，成人$198一位，有長者咭嘅65歲長者仲有減$20優惠。呢度有12款鍋底選擇，我地揀咗澳門豬骨鍋拼沙嗲鍋。鍋底、點心同火鍋配料自己寫紙order，出面自助區會有支裝可樂、維他奶同各款罐裝飲品，雪櫃有其他火鍋配料，例如蔬菜、腸仔、魚蛋等等。仲有個熱食櫃，款式有雞肉串燒、椒鹽豬扒、炸雞軟骨等等。甜品有自家製桂花糕、椰汁糕、啫喱糖同多款口味嘅杯裝雪糕。💛點心推介💛鮮蝦燒賣皇豬肉同蝦肉比例剛好，餡料飽滿彈牙。招牌小籠包小籠包做到皮薄多汁，咬落去肉汁爆開，口感滿足。蒙古流沙包包身香滑鬆軟，入面做到流沙效果，呢款冇蛋黃碎，不過任食嚟講都唔錯。❤️火鍋推介❤️一級牛雙拼牛展充滿濃郁嘅牛味，細細片口感爽脆。牛脷大大片，厚薄適中，嫩滑容易咀嚼。海生蝦蝦肉結實爽彈，有蝦鮮味，鮮甜美味。脆肉鯇魚魚腩位切得厚肉，魚皮彈牙，肉質爽口有彈性，完全唔會有腥味，加啲豉油提鮮更好味。💜甜品推介💜焦糖爆谷杯裝雪糕打開成杯白色以為只係雲呢拿雪糕，食落有香甜嘅焦糖同爆谷味，幾特別值得一試
荃灣大鴻輝有好多食肆，特別多任食放題類，今次👦🏻👧🏻去咗間中式酒樓食任食點心同火鍋，由晚上6點可以食到11點半，無限時可以慢慢食。而且價錢好抵，成人$198一位，有長者咭嘅65歲長者仲有減$20優惠。
呢度有12款鍋底選擇，我地揀咗澳門豬骨鍋拼沙嗲鍋。鍋底、點心同火鍋配料自己寫紙order，出面自助區會有支裝可樂、維他奶同各款罐裝飲品，雪櫃有其他火鍋配料，例如蔬菜、腸仔、魚蛋等等。仲有個熱食櫃，款式有雞肉串燒、椒鹽豬扒、炸雞軟骨等等。甜品有自家製桂花糕、椰汁糕、啫喱糖同多款口味嘅杯裝雪糕。
💛點心推介💛
鮮蝦燒賣皇
豬肉同蝦肉比例剛好，餡料飽滿彈牙。
招牌小籠包
小籠包做到皮薄多汁，咬落去肉汁爆開，口感滿足。
蒙古流沙包
包身香滑鬆軟，入面做到流沙效果，呢款冇蛋黃碎，不過任食嚟講都唔錯。
❤️火鍋推介❤️
一級牛雙拼
牛展充滿濃郁嘅牛味，細細片口感爽脆。牛脷大大片，厚薄適中，嫩滑容易咀嚼。
海生蝦
蝦肉結實爽彈，有蝦鮮味，鮮甜美味。
脆肉鯇魚
魚腩位切得厚肉，魚皮彈牙，肉質爽口有彈性，完全唔會有腥味，加啲豉油提鮮更好味。
💜甜品推介💜
焦糖爆谷杯裝雪糕
打開成杯白色以為只係雲呢拿雪糕，食落有香甜嘅焦糖同爆谷味，幾特別值得一試。
📍 常滿百家菜 (荃灣)
荃灣眾安街55號大鴻輝(荃灣)中心12樓
張貼
