拉麵台風

營業中

休息中

拉麵台風開咗咁耐（已經8年）一直都有幫襯。初初開嘅時候香港都仲係好少拉麵店，到而家愈來愈多競爭都大咗。拉麵台風唔係最top 嘅，不過性價比高，唯一缺點係排得耐，特別而家限聚，佢只係坐一半人。今次星期六8:00pm到開始排，等咗45分鐘終於有得食。平時最鍾意係沾麵，因為係限定，今日食唔到。今次叫咗骨膠原拉麵同埋魚介豬骨拉麵。夏天食骨膠原唔會食到個人好熱。雖然冇湯，但係唔會乾，而且都好夠味。我今次要咗一半麵量，可能免費加一份配菜，今次加咗辣芽菜。另外嘅魚介豬骨湯。湯都好夠味，麵彈牙，叉燒都滑不過唔係好香，蛋好食。仲要份量多，$80真係算抵。叉燒有時一塊有時係一粒粒，我覺得粒粒好食啲，冇咁乾。記得以前剛剛開麵量仲多，不過叉燒好柴，有日本師傅。好似而家已經唔見日本師傅，可能去咗另外分店。