影片
更多
2020-03-15
243 瀏覽
深水埗開咗一間以茶入饌嘅小店，白色文清風嘅門面同周圍嘅舊舖格格不入，離遠就見到佢，近門口有半開放座位比人打卡，但始終舖位喺街市附近，用餐期間有烏蠅飛入黎影響食慾。特登嚟幫襯嘅原因係店主除左表態外，仲有捐錢比守護孩子、義賣等實際行動。 .我哋一心想試蛋糕，叫咗每個種類嘅各一款:楊枝甘露戚風蛋糕:雖然佢賣相麻麻歪埋一邊但味道唔錯，toppings係新鮮芒果同柚子，一切開牛乳忌廉緩緩流出，戚風蛋糕夠彈牙有蛋香，另配椰漿淋面，唔算太甜。 .蝶豆花伯爵茶卷蛋:
呢個係招牌款式，卷蛋加入咗蝶豆花混合出天然嘅淺藍色，伯爵茶忌廉茶味恰到好處，輕盈軟滑，如果卷蛋口感再軟熟濕潤啲會更好，但已經相當唔錯。 .桂花豆腐芝士蛋糕:本來對呢款無咩期望，點知出奇地好食，表層係偏軟身嘅桂花啫喱，芝士蛋糕軟滑似慕絲，有淡淡嘅豆腐味道，感覺清新、味道協調。.我地順便試埋主食，但相對嚟講無乜驚喜:茶食套餐:套餐包括沙律、主食同飲品。主食嘅配菜四揀二，揀左柚子雞翼同和風燒南瓜，柚子雞翼落醬重手，如果煎燶啲更好，南瓜有四大條，搽左蜜糖燒所以外皮脆脆地幾香口，澱粉類揀咗茶湯冷麵，即蕎麥麵加茶漬湯底，中和返配菜嘅甜味，但略嫌湯底太
.
我哋一心想試蛋糕，叫咗每個種類嘅各一款:
楊枝甘露戚風蛋糕:
雖然佢賣相麻麻歪埋一邊但味道唔錯，toppings係新鮮芒果同柚子，一切開牛乳忌廉緩緩流出，戚風蛋糕夠彈牙有蛋香，另配椰漿淋面，唔算太甜。
.
蝶豆花伯爵茶卷蛋: 呢個係招牌款式，卷蛋加入咗蝶豆花混合出天然嘅淺藍色，伯爵茶忌廉茶味恰到好處，輕盈軟滑，如果卷蛋口感再軟熟濕潤啲會更好，但已經相當唔錯。
.
桂花豆腐芝士蛋糕:
本來對呢款無咩期望，點知出奇地好食，表層係偏軟身嘅桂花啫喱，芝士蛋糕軟滑似慕絲，有淡淡嘅豆腐味道，感覺清新、味道協調。
19 瀏覽
0 讚好
0 留言
.
我地順便試埋主食，但相對嚟講無乜驚喜:
茶食套餐:
套餐包括沙律、主食同飲品。主食嘅配菜四揀二，揀左柚子雞翼同和風燒南瓜，柚子雞翼落醬重手，如果煎燶啲更好，南瓜有四大條，搽左蜜糖燒所以外皮脆脆地幾香口，澱粉類揀咗茶湯冷麵，即蕎麥麵加茶漬湯底，中和返配菜嘅甜味，但略嫌湯底太淡唔夠茶味。
6 瀏覽
0 讚好
0 留言
.
抹茶鮮奶
跟餐加錢轉抹茶鮮奶，要跟指示用茶筅刷開抹茶粉，可能我技術不濟，整左5分鐘只係打到少少泡，抹茶濃度較大眾化，但欣賞佢唔係畀啲加咗糖嘅即沖茶粉。
抹茶鮮奶
18 瀏覽
0 讚好
0 留言
張貼
