影片
更多
2024-04-05
2052 瀏覽
又到一個月一次慰勞自己嘅時候啦，今次就去咗book mark咗好耐嘅【Bochord】。餐廳喺銅鑼灣世貿中心上面，對住個海景，所以氣氛好好。餐廳係復古英國圖書館裝修，非常有特色同有情調。今次就試咗佢哋嘅Tasting Menu，一共八款菜式（一款菜式Menu上面冇寫出嚟）。一上嚟會上咗一份熱辣辣嘅餐包先，包括三款自家製嘅牛油、另外仲有橄欖油同意大利醋。三款自家製牛油包括basil、black olive + blue cheese、sun dried tomatoes。三款都非常好食，個人更加鍾意black olive + blue cheese。Japanese Mackerel：鯖魚輕輕燒過，味道偏濃、油脂味重。加菠蘿會降低魚味、更清爽。一次食到兩種口味。Swiss Barley Soup：瑞士燕麥粥，包括牛肉碎、蘿蔔、西芹、蘑菇、Leek。口味比較溫和，食完個身暖笠笠。加咗黑椒個味又多咗個層次。Nagasaki Chicken Roulade with Beetroot Salad：將芝士雞肉卷嘅芝士換成鵝肝醬同雞肉mousse，另外仲有蘑菇蓉同開心果碎。再以63度慢煮，雞肉非常
一上嚟會上咗一份熱辣辣嘅餐包先，包括三款自家製嘅牛油、另外仲有橄欖油同意大利醋。三款自家製牛油包括basil、black olive + blue cheese、sun dried tomatoes。三款都非常好食，個人更加鍾意black olive + blue cheese。
Japanese Mackerel：鯖魚輕輕燒過，味道偏濃、油脂味重。加菠蘿會降低魚味、更清爽。一次食到兩種口味。
Swiss Barley Soup：瑞士燕麥粥，包括牛肉碎、蘿蔔、西芹、蘑菇、Leek。口味比較溫和，食完個身暖笠笠。加咗黑椒個味又多咗個層次。
Nagasaki Chicken Roulade with Beetroot Salad：將芝士雞肉卷嘅芝士換成鵝肝醬同雞肉mousse，另外仲有蘑菇蓉同開心果碎。再以63度慢煮，雞肉非常嫩滑，鵝肝味唔會太重腥味。搭配紅菜頭沙律甜甜地、增加清爽感。
上主菜之前會先上一個Menu上面冇嘅柚子檸檬sobert清下味蕾、酸酸甜甜，而且有jelly。
Carabinero Red Prawn with Shrimp Roe Noodle：原隻西班牙大紅蝦、頭入面又好多膏、店員建議撈埋蝦子麵食。鮮甜肉有彈性、蝦膏非常濃郁、搭配香港本地老字號蝦子麵、鮮香味都非常突出。
Sous Vide Black Cod：用牛奶同唔同herbs慢煮嘅銀鱈魚，個皮煎得非常香脆完全無魚腥味、肉質非常嫩滑。搭配辣肉腸醬同西芹醬、增加唔同層次。
Charcoal Grilled A5 Miyazakigyu Rib Cap：宮崎A5和牛牛柳搭配日式燒肉汁同味噌醬。牛肉軟霖、醬汁香濃。薯蓉非常香濃同creamy。
Glazed Lemon Mousse Cake：造型非常打卡able，檸檬慕斯蛋糕酸酸甜甜有陣乳酪芝士味。旁邊嘅西柚同蛋白糖餅都非常好食。
Cocktail係根據世界名畫而命名同設計，我就揀咗梵高嘅Irises。成杯紫色非常少女心，花香味十足，酒味都有少少偏濃。
張貼
