慢煮工業 (已結業)

「慢煮」兩個字成為近年飲食界熱潮，用低溫長時間烹調，保留食物本身嘅質感同味道。友人同我提過好多次尖沙咀百年花園入而有個小食亭，賣嘅係慢煮食物而且味道不錯。有日咁啱夜晚行完街，又唔想食太多，就黎到一試。慢煮安格斯牛排三文治，重點當然係塊慢煮牛排，其肉質鮮嫩多汁，的確係幾唔錯。略嫌生菜未夠新鮮，不過$48蚊，算係咁。三文治都算大大份，兩個人唔太肚餓，食完都滿足。再叫左左個炸蘿蔔糕條($16)。外脆內軟，配上泰式辣醬的確新奇。不過口感唔係一般蘿蔔糕，而係比較似新加坡或台灣果邊嘅粿條，基本上都係粉漿居多，個人覺得一般般。