影片
更多
2016-02-10
1672 瀏覽
上星期見有個朋友fb post 咗張芝士雞煲相. 我睇完非常有興趣去食. 上openrice search 完,見太子有分店位置較方便我們大班人放工過去,即刻call 齊人打鐡趁熱 book 位第二日去試.有朋友唔食得辣,但又有人話雞煲唔辣唔好食. 既然我們有六個人,決定叫兩個細嘅雞煲嚟試. 最多等陣叫少D火鍋料.芝士雞煲(小)先來到. 一開始上枱時還看到有芝士碎放在最上面. 店員先將煲蓋上焗幾分鐘,然後幫我們拌匀. 打開時芝味四溢,芝士碎溶掉混和醬汁掛於雞件上,視覺及味覺都很邪惡,我們來的目的就是這個. 份量其實都不算少,我想大概跟出面半隻雞一樣吧. 雞件嫩滑,芝味濃郁,我們非常滿足. 連同行話要辣雞煲先好食既朋友都十分欣賞,一轉眼清煲.麻辣雞煲(小, 少辣)唔知係專登定咁啱,我們食芝士雞煲食得七七八八嘅時候,麻辣雞煲就邌到. 侍應將雞煲放低後,叫我們先忍住雙筷,佢仲要攪攪先. 我們都意會為攪拌均勻嘅服務啦,坐定定等食,原來唔只咁簡單! 侍應唔知喺邊變出一個打火器,説時遲那時快將個雞煲點起火焰! 我們被殺個措手不及,急急攞手機出邌影低好呃like.熄火後侍應再攪勻雞件,香味四溢,終於
有朋友唔食得辣,但又有人話雞煲唔辣唔好食. 既然我們有六個人,決定叫兩個細嘅雞煲嚟試. 最多等陣叫少D火鍋料.
芝士雞煲(小)先來到. 一開始上枱時還看到有芝士碎放在最上面. 店員先將煲蓋上焗幾分鐘,然後幫我們拌匀. 打開時芝味四溢,芝士碎溶掉混和醬汁掛於雞件上,視覺及味覺都很邪惡,我們來的目的就是這個. 份量其實都不算少,我想大概跟出面半隻雞一樣吧. 雞件嫩滑,芝味濃郁,我們非常滿足. 連同行話要辣雞煲先好食既朋友都十分欣賞,一轉眼清煲.
麻辣雞煲(小, 少辣)唔知係專登定咁啱,我們食芝士雞煲食得七七八八嘅時候,麻辣雞煲就邌到. 侍應將雞煲放低後,叫我們先忍住雙筷,佢仲要攪攪先. 我們都意會為攪拌均勻嘅服務啦,坐定定等食,原來唔只咁簡單! 侍應唔知喺邊變出一個打火器,説時遲那時快將個雞煲點起火焰! 我們被殺個措手不及,急急攞手機出邌影低好呃like.
熄火後侍應再攪勻雞件,香味四溢,終於跟我們幾個口水流餓鬼示意可以食用了. 我們即刻一人夾一舊唔執輸. 雞件入味可口,多麻少辣,比之前芝士雞煲內雞件更甚出色. 煲內也有很多洋蔥,㷛㵉後又甜又吸收哂麻辣醬汁嘅味道,我非常喜歡. 不過此煲味道較重,如吃後再回到芝士雞煲就會蓋過芝士味,建議食夠芝味煲先開始食麻辣煲.
兩鍋雞件都食夠後,開始加湯打邊爐時間. 芝士雞煲原來係加芝士湯底的,非常體貼,加湯後都不會弄淡芝味.
我係食肉獸,打邊爐點可以唔叫牛吖. 要咗份牛頸脊,見好似少D地方有就試下. 又幾靚咁嘅樣,脂肪唔太多又分佈算平均. 放落芝士湯令淥出嚟嘅牛更嫩滑,味道濃郁,感覺滿足. 響鈴及出前一丁亦都是極為配合芝士湯底的食物,在加水兩次再蒸發後,濃縮了的芝士汁掛滿食物上,外表非常邪惡吸引. 我這等不太顧慮肥膩的人一口口品嚐這些合天使魔鬼於一身的食物,内心交戰呢D高層次思考留俾在座嘅減肥friend 做把啦!
虎蝦,一客六大隻啱啱好一人一隻唔駛爭,都係$88. 新鮮唔霉啖啖肉抵食之選.
水餃一客有八件,應該係自家出品. 味道鮮美,有好多蝦肉在內. 好食到 encore 多一客.
什菇拼盤. 有金菇雞脾菇冬菇秀珍菇一樣一D,洗得幾乾淨. 我係食肉獸所以對D菇無太深究. 朋友話唔錯.
手打五寶丸,有牛肉丸豬肉丸鯪魚丸墨魚丸蝦丸各兩粒. 我無試勻,只係食咗牛丸同墨魚丸,好有鮮味. 特別喜歡墨丸彈牙,真係咬到有墨魚粒.
炸魚皮我打邊爐必點. 我鐘意一D就咁當薯片食一D點湯,所以爽脆好重要. 呢度嘅魚皮質數好好,爽脆之餘有調味咸咸地幾香口. 細節位都有顧及,難得難得.總括邌講呢餐食得心滿意足. 芝士雞煲坊間少有,但不只是gimmick 原來真心好食. 麻辣雞煲亦香麻入味不能只視為配角. 火鍋料質數上乘又新鮮,睇得出餐廳對食品之用心. 地方乾淨衛生女性朋友都坐得舒服. 六個人連啤酒汽水先每人兩百五蚊,又唔會好似任食地方咁夠鐘趕人. 我地一定會再幫趁.
張貼
