茶聊

營業中

休息中

今日陪朋友出旺角買手機，之後上網搵到依間樓上cafe，估唔到咁受歡迎，到達cafe門外很多人等候中，還好...不算等得太久。cafe為等待的客人送上一小杯菠蘿沙冰，很窩心呢！cafe以半自助形式，自己購買後有送餐服務，最吸引當然是食物味道很好，仲無加一服務費。"炸軟殼蟹牛油果包" 麵包甜甜地，包住剛炸好的軟殼蟹，熱騰騰口感鬆化，內有滑滑的牛油果，真係好夾；另外，配菜有沙律及炸美國有皮薯條，薯條外脆內軟，重薯味好滋味。這個主菜份量十足，二人食也足夠呢！"酥炸洋蔥圈" 炸熟的洋蔥份外甜，酥炸外皮皮鬆化，點沙律醬好味。"煙三文魚卡邦尼意粉" 煙三文魚鮮甜，卡邦尼汁香滑，意粉係幼新那種，煮得軟硬適中，口感好好。"橙子雲霧" 清清地唔會太過濃味，食完咁多油炸食物，飲返杯清新晒。