Season Oyster & Wine Bar (已結業)

朋友絕對是超級生蠔迷，見佢facebook專頁一星期最少食一次生蠔，所以今日食這間Season Oyster bar一定啱哂佢。這間餐廳地點唔就腳， 鄰近中央圖書館一個街位， 隔離是珀麗酒店，環境寧靜。餐廳牆上掛滿掛畫，播着舒懷輕鬆歐美音樂，格調一流。餐牌生蠔推介好幾款，於是叫了半打生蠔，分別係USA Pacific  Oyster 2 只、皇家納米比亞生蠔2只、法國Majestic生壕蠔2只，另外加上海膽燒2份和原隻波士頓龍蝦1只，全海產，鮮鮮鮮鮮鮮。食蠔先食左面皇家納米比亞生蠔, size夠大，味道鮮味，海水味不重。中間是法國Majestic，好重海水味，較鹹，肉質豐富。最後食USA Pacific Oyster,肥美肉厚，鮮甜嫩滑，好食。食完蠔再來海膽燒，微微燒香表層，香口。而裏面海膽味鮮濃，甘甘地味道，不錯。最後原隻波士頓龍蝦，賣相吸晴，蝦肉結實彈身，味道鮮美，加上膏多肉厚啖啖肉，食落彈牙，好美味。