更多
2018-09-18
187 瀏覽
早排同朋友嚟咗呢間餐廳食飯聚舊，聽聞係唔錯嘅半自助餐，所以好期待。主菜係落order叫嘅，本來諗住要等，想出去攞其他嘢食先，但估唔到佢好快就上菜，侍應好貼心叫我地趁熱食，於是就食咗主菜先啦。我叫咗嘅主菜係法式寶雲酥羊架，佢嘅麵包糠好香脆，裏面又包含咗蒜蓉、芥末、蜜糖等等嘅香料，非常之入味。另外，佢配嘅薯菜都好特別，係乾嘅香蒜、紫薯片、秋葵乾同蕃茄仔，口味清新，口感乾脆，又可以中和下濃烈嘅羊羶味。總括而言幾中意呢道菜。我其中一個朋友就叫咗波士頓龍蝦米占多，濃郁嘅芝士撈埋龍蝦肉同各種配料，非常creamy。自助餐吧有嘅食物包括：餐湯、新鮮海鮮、沙律、飲品同甜品。甜品有啫喱同4款蛋糕，包括tiramisu、檸檬、朱古力同藍莓，每款都係小巧細細份易入口。魚生都好新鮮。有好多款新鮮海鮮，包括：生蠔、凍蟹、翡翠螺、青口同凍海蝦，種類繁多，而且都好鮮甜。唯一係生蠔有少少沙，希望可以再洗乾淨d。價錢方面，因為係星期五晚會貴少少，每人$328再加一，同外面啲酒店自助餐價錢不相上下，但因為呢度食物質素都唔差，所以可以接受。
主菜係落order叫嘅，本來諗住要等，想出去攞其他嘢食先，但估唔到佢好快就上菜，侍應好貼心叫我地趁熱食，於是就食咗主菜先啦。
我叫咗嘅主菜係法式寶雲酥羊架，佢嘅麵包糠好香脆，裏面又包含咗蒜蓉、芥末、蜜糖等等嘅香料，非常之入味。另外，佢配嘅薯菜都好特別，係乾嘅香蒜、紫薯片、秋葵乾同蕃茄仔，口味清新，口感乾脆，又可以中和下濃烈嘅羊羶味。總括而言幾中意呢道菜。
我其中一個朋友就叫咗波士頓龍蝦米占多，濃郁嘅芝士撈埋龍蝦肉同各種配料，非常creamy。
自助餐吧有嘅食物包括：餐湯、新鮮海鮮、沙律、飲品同甜品。
甜品有啫喱同4款蛋糕，包括tiramisu、檸檬、朱古力同藍莓，每款都係小巧細細份易入口。
魚生都好新鮮。
有好多款新鮮海鮮，包括：生蠔、凍蟹、翡翠螺、青口同凍海蝦，種類繁多，而且都好鮮甜。唯一係生蠔有少少沙，希望可以再洗乾淨d。
價錢方面，因為係星期五晚會貴少少，每人$328再加一，同外面啲酒店自助餐價錢不相上下，但因為呢度食物質素都唔差，所以可以接受。
張貼
