蟹慶

營業中

休息中

今晚同朋友提早一齊慶祝聖誕節，揀左一間食蟹宴既餐廳，環境裝修充滿住日式風情，一行入門口已經見到水缸養住活蟹，今次叫左聖誕節二人套餐。松子大蝦沙律大蝦口感鮮嫩彈牙，配新鮮沙律菜，沙律汁酸酸地，口感清爽。前菜三點(花螺、海參、蕃茄海葡萄)花螺用咗花雕酒浸，非常香醇，咬落去有嚼勁，海參口感彈牙，蕃茄海葡萄酸酸地，食完前菜好開胃。刺身四點(松葉蟹腳、吞拿魚、拖羅、深海池魚)松葉蟹腳肉質鮮美，質地緊實；吞拿魚同埋拖羅都非常肥美，拖羅入口即化；深海池魚肉質細嫩。時令蟹可以揀凍食或者熱食，我哋揀咗凍食，毛蟹蟹肉份量好多，味道鮮甜，蟹肉同蟹膏分開上，蟹肉上面配咗酸汁啫喱，更加帶出蟹肉嘅鮮美。燒喜知次一夜干魚肉本身紮實，完全冇魚腥味，燒香左之後外層脆爽。蟹肉濃湯素面濃湯質感比較稠，蟹肉鮮美，素面面條口感順滑，配搭健康又好味。蟹肉南瓜湯口感濃稒綿密，甜甜嘅南瓜味同蟹肉嘅鮮味相互融合，入口暖笠笠。甜品是日甜品係芝士蛋糕，口感濕潤，奶香味十足。