金祥排骨麵

營業中

休息中

金祥排骨麵位於西環西營盤，係香港依然屹立不倒超過三十多年，經常都要排隊。下午五點左右經過見到冇乜人，想住入去食，點知老細話做埋俾你啦，仲以為係下午茶，原來老細意思係做埋我哋跟住就收舖。老字號裝修陳舊。菜膽雲吞排骨麵 $52炸排骨和湯麵分開排骨炸得非常鬆脆，熱辣辣，好味。菜肉雲吞非常大隻，菜肉均勻，味道唔錯。豆漿 +$7 ，豆漿太大杯，不會太甜，豆味濃郁。老字號保持到一定的水準，怪不得客人絡繹不絕。問老細幾點鐘開門？為什麼這麼早就收舖，老細話唔夠人手，早上11點開門，晚上5點到6:00收舖。真的有心來食的，真的要提議留意開舖時間。