老媽拌麵 (將軍澳中心)

營業中

休息中

如果有食開老媽拌麵，一種台式即食事4拌麵，就會知香港開左實體麵店，甘平時我都會食下老媽拌麵，所以都黎朝聖下。一去到麵店門口都排左短短既人龍約10個人，店內坐滿哂客人，只係星期四平日都甘多人，我諗假日週末呢啲會再多啲人，我7點9左右到，排到8點1到入得，等左20分鐘左右。入到去店員話已經冇哂粗麵，得返幼既，甘冇計，鬼叫自己去得遲。我點左川味紅燒半筋半肉牛肉麵，朋友點左清燉牛肉麵同美人雞湯麵。雖然麵質同平時食既老媽拌麵既幼麵一模一樣，果川味同平時食開係似既，而湯頭係普通台式牛肉麵果湯頭再加辣味，但可能係湯麵，食落就同乾拌麵好唔同，同埋佢仲加左唔少配菜同埋牛肉片，因為我叫半筋，所以有幾舊牛筋，牛筋炆得夠冧同入味，牛肉片帶啲筋有咬口得黎又唔會太鞋，整體係唔錯既。服務方面，因為人流旺，所以店員都較忙，但叫落單呀上菜呀都快手既，正常既服務水平。不過用買到一包老媽拌麵再多啲既價錢去食一碗麵，值唔值就見仁見智啦🤣🤣 只能講係點都想試下既。