泰簡單

營業中

休息中

今晚約左舊同事食左餐chill chill泰國菜！呢餐我地一行4人舊同事聚會，想揀個好啲嘅環境，可以慢慢食傾下計.我地叫左個咖喱拼雞、蟹肉米粉生菜包、蛋炒飯、燒豬頸肉、冬蔭功、馬拉盞炒通菜。以為咖喱同冬蔭功好辣，不過唔太食得辣嘅我都覺得可以接受，特別係個咖喱，甜甜地又香味濃郩，跟個薄餅一流，不過我胃口大，直接撈左落個蛋炒飯度，好開胃，食完一碗又一碗，個蛋炒飯本身都好有水準，唔會太乾身，少少濕，炒到啱啱好。個冬蔭功湯非常足料，啖啖都係滿滿嘅蝦同草菇，好入味！燒豬頸肉每件都足料大件，都厚身咬落去好鬆軟，至啱無肉不歡朋友。到個蟹肉米粉生菜包，擺盤美觀，配個特調花生麻醬，清淡得黎食到蟹肉嘅鮮味，好味又健康。最後個菜好有鑊氣，唔會太油，食得出係有心機炒得均勻。整體黎講食物好啱胃口，個場好大，坐得舒服，坐出露天又得，室內又有feel。