囍囍 (已結業)

平時行過見到佢嘅餐牌有煲仔飯已經好想試，前幾日終於可以入去食個臘腸北菇雞煲仔飯，$78仲包燉湯，好抵！個飯好足料，侍應問我要唔要蔥同鼓油，蔥就唔要喇，鼓油就必需要啦！落完鼓油再焗3分鐘到就可以開蓋喇！有好多臘腸，少肥唔會得肥膏。雞肉好滑，冬菇都好食。同區有間出名嘅坤記，我食過一次，要等位之餘，落單後仲要等一個鐘先有得食。價錢仲要唔平，差唔多要$100一個煲仔飯。想去西環食煲仔飯，我建議大家嚟依間囍囍試吓，8:30pm後仲有特價煲仔飯$58。