更多
2018-04-24
2654 瀏覽
位於灣仔蘭杜街嘅法式小館「Odelice」開業咗一段長日子，風評亦不俗，不過，小弟就未曾光顧過。最近，得知分店開晌尖沙咀，而且，就晌The One 4樓，相當方便我等九龍人。故相約幾位友人聚聚舊，分享近嚟嘅點點滴滴。走進餐廳內，黑白格仔地磚最體現一派法式小館嘅情懷，啲吊燈亦都好別緻。但因為喺日頭嚟食晏，所以，情調就當然欠奉，不過，一邊都喺落地大玻璃，陽光嘅投射，變得開揚舒服，加上無論卡位還是其他座位，都讓人感到寬敞自在。晌等候上菜期間，稍稍留意到，枱上嘅鹽及黑胡椒罌，以及刀叉等餐具，都唔喺普通貨色。周末嚟到，午市主要提供「周末悠悠早午餐」，由11:00am至5:30pm供應，沙律或餐湯，再自選一道主菜，但就唔包飲品，收費就視乎所揀主菜。除咗個套餐，餐牌仲羅列多款待特色飲品及甜點。是日精選餐湯今日嘅餐湯喺野菌忌廉湯，色澤對辦，睇得見唔少菌粒嘅質感，入口卻喺柔滑，菌香味濃，用料不賴，而且，都唔細碗添。田園沙律對比個湯，沙律就真喺簡單啲，沙律菜淋上油醋，不過，除慣常所見嘅沙律菜外，仲有櫻桃蘿蔔、車厘茄、甘筍絲，用料新鮮爽脆，輕易打開胃納。主菜確實有好多選擇， 類別就大致分為全日早餐、法式多士
走進餐廳內，黑白格仔地磚最體現一派法式小館嘅情懷，啲吊燈亦都好別緻。但因為喺日頭嚟食晏，所以，情調就當然欠奉，不過，一邊都喺落地大玻璃，陽光嘅投射，變得開揚舒服，加上無論卡位還是其他座位，都讓人感到寬敞自在。
晌等候上菜期間，稍稍留意到，枱上嘅鹽及黑胡椒罌，以及刀叉等餐具，都唔喺普通貨色。
周末嚟到，午市主要提供「周末悠悠早午餐」，由11:00am至5:30pm供應，沙律或餐湯，再自選一道主菜，但就唔包飲品，收費就視乎所揀主菜。除咗個套餐，餐牌仲羅列多款待特色飲品及甜點。
是日精選餐湯今日嘅餐湯喺野菌忌廉湯，色澤對辦，睇得見唔少菌粒嘅質感，入口卻喺柔滑，菌香味濃，用料不賴，而且，都唔細碗添。
野菌忌廉湯
29 瀏覽
0 讚好
0 留言
對比個湯，沙律就真喺簡單啲，沙律菜淋上油醋，不過，除慣常所見嘅沙律菜外，仲有櫻桃蘿蔔、車厘茄、甘筍絲，用料新鮮爽脆，輕易打開胃納。
主菜確實有好多選擇， 類別就大致分為全日早餐、法式多士三文治、主廚挑選菜式、班尼迪蛋系列、法式蕎麥薄餅及意粉。有唔少都喺心水菜式，樣樣都想試，真喺唔易落手。哈哈，我哋都喺班尼迪蛋粉絲！
牛油果雙重奏班尼迪蛋 $100何胃雙重奏？一睇就明，就喺烘多士之上有牛油果蓉及牛油果片，再配上煮得恰到好處嘅班尼迪蛋，柔香滋味；而多士並非普通嘅白麵包，從餐牌所見喺叫一款布里歐修麵包，口感較煙韌而富麥香。此外，伴碟喺大量沙律菜，所以，如揀呢款主菜，就建議之前揀餐湯而棄田園沙律喇。
牛油果雙重奏班尼迪蛋
$100
37 瀏覽
0 讚好
0 留言
友人哋食肉獸一名，所以，就算喺點班尼迪蛋，都要揀一款喺配牛脊肉嘅。睇見燒得嫩紅嘅牛脊肉，心裡已自我感覺良好先，入口肉質嫩滑，肉味唔錯，且富肉汁，配班尼迪蛋及多士，配搭見心思；加上伴有大量沙律菜，絕唔使擔心罪惡感嘅問題啦。
澳洲牛脊肉班尼迪蛋
$130
34 瀏覽
0 讚好
0 留言
小弟就聽店長嘅推介，一試佢哋嘅蟹肉餅，份蟹肉餅班尼迪蛋用長碟奉上，其實，佢同樣配沙律菜，只喺以玻璃碗另上，我哋仲以為送多咗一份沙律菜嚟添。兩件蟹肉餅煎得焦香，食落堅啖啖絲絲蟹肉，絕無欺場；而班尼迪蛋嘅流心程度一切就知，伴上酸酸甜甜嘅荷蘭汁，真喺滋味嘅享受。
香蕉熱情果蜂蜜冰沙 $42天氣開始熱番，又正值正午，所以，小弟就揀咗杯沙冰。外觀比較平實，但入口充滿香蕉味，慢慢滲出熱情果果香，由於加份蜂蜜，加上又有香蕉呢，所以，唔會有過酸嘅感覺，總之，飲落就非常清爽。
士多啤梨羅勒冰茶 $38友人同樣以凍飲嚟提早迎接夏日，所以，揀杯望落已透心涼嘅冰茶。士多啤梨打蓉再配紅茶，放幾片羅勒做襯托，喺幾特別嘅組合，友人都讚酸香冰涼，非常適合炎夏享用。
心靈甘菊茶 $42以淡薄嘅洋甘菊作茶底，再加入檸檬、厚厚嘅薑片及法國蜂蜜，能否滋潤心靈呢？友人就話較難講，但味道就不俗，感覺挺舒服。而最討人心嘅，就喺杯茶配上一片餅乾，重麥香。
紅莓芝士蛋糕配清新紅果醬 $65 食完個午餐都夠飽，但呢度環境予人感到好舒服，大家就決定追加啲甜點共享，再坐多陣傾吓偈。紅莓芝士蛋糕用料好足，紅莓跟芝士味都突出，唯一挑剔喺質感稍硬，同埋餅底過厚。
提拉米蘇 $65相比起，小弟就鍾意件意大利芝士餅多啲，因為，馬卡風芝士層做得輕柔軟滑，口感細膩，餅底用上傳統手指餅，濕潤而有酒香。不過，就唔明點解配咗啲紅果醬，感覺唔太夾以咖啡酒及唂咕味為主嘅提拉米蘇喎！
提拉米蘇
$65
25 瀏覽
0 讚好
0 留言
張貼
