中華滙館 (已結業)

今日終於去試我想試好耐嘅中華匯館，我訂咗一點，去到竟然一個客人都冇😱不過呢度嘅設計係ok嘅，餐具擺設都ok，我哋點咗黑魚子流心蛋，鮮蝦腸粉，荀尖蝦餃，菇粒乾蒸燒賣，香檳石榴粿同埋黑魚子鮑魚芋盒。啲點心好好食，蝦餃皮同石榴粿嘅皮做得好，薄但係唔會穿，都冇太韌。石榴粿裡面有蟹肉，帶子同蝦，仲有好多汁🤤鮑魚芋盒除咗鮑魚做得好食之外，芋盒嘅餡都做得好，餡料都係粒粒分明唔係一壇碎濕濕嘅嘢加漿糊獻汁。希望呢度唔會因為最近嘅社會環境而捱唔住啦，我打算下次嚟到要試灌湯小籠包㗎🤤🤤