羅麥記 (V City) (已結業)

羅麥記可以話係近年好新潮又好出名嘅茶餐廳，其實之前都食過㗎啦，但係都係食下午茶晚餐午餐果類啦，今次第一次食早餐都幾有驚喜呀。當然啦我張相好似好大碟咁，但其實我係加咗錢去升級牛角包交咗錢加配薯餅，所以原本個餐係冇咁多嘢食嘅。但係佢塊雞扒好正呀真係，雖然個餐都要四十零蚊，但塊雞扒咁大嘅情況下，都算係好抵食，啖啖肉好有肉汁，唔會乾爭爭，食落去好有咬口之餘呢都唔會韌同唔會有根。另外要讚嘅就係雖然加8蚊先至有薯餅，但個薯餅都好好食㗎又香口又脆又有薯仔味。可惜屋企附近冇喇，如果唔係都可以成日食。