辛安東元祖奶奶雞 (已結業)

想食韓國嘢，諗起辛安東奶奶雞。由於驚無位，所以打左黎訂枱。但原來6點哩轉係即場排隊入，訂唔訂枱都一樣。每枱限時1.5個鐘，每人最低消費$150。兩個人點左三樣嘢，要加埋一先啱啱好夠$300，但其實已經好飽🤣辛安東奶奶雞（半隻）小辣$158今日師傅切雞切得太碎，雞骨粒癡晒喺啲「陪煮」嘅青瓜同蘿蔔度，第一次食雞食到好似食魚咁要好小心。味道係ok嘅，咸甜適中。「小辣」係唔辣嘅，如果想有辣味應該最少要叫中辣。韓式泡菜小籠包$58因為好鍾意食韓國嘅「饅頭」，以為係一樣，所以點左，但同想像中有啲岀入。用蒸籠上枱，真係好似平時食開嘅小籠包咁細粒。味道ok，但佢個餡可以再飽滿同實啲，而家個版本個餡有啲鬆散，如果可多啲粉絲同泡菜，應該會有味啲，同好食啲。辣炒年糕$68哩個好味，用熱鍋上，食到尾都暖笠笠。加左個生蛋，撈勻後個汁仲thick啲。因為個「小籠包」味道相對淡，我都有用哩個汁去送。但係年糕份量偏少，配菜就比較多。