漁獲浜燒

營業中

休息中

漁獲浜燒，係我一直滿心期待想食的一間日式浜燒店。原因不用多說都係口碑好，服務佳，質素應該有保證。今日一試，的確冇令我地失望，亦好值得我推薦一下。先叫左杯巨峰乳酸梳打，巨峰味濃又唔太甜，開胃。再黎刺身盛盒。五款刺身分別係，牡丹蝦，三文魚，油甘魚，金目鯛同埋馬糞海膽。賣相擺位排列都好好，可謂色香味俱全。牡丹蝦長過隻中指，肉質爽口鮮甜，入口即溶，滲透著濃濃嘅鮮蝦味。厚切三文魚，發揮正常，口感唔錯。油甘魚脂肪較多，每一啖都散發著油甘魚嘅甘， 配以店內嘅柚子醬，香味洋溢。因為吞拿魚未有貨，店員幫我地轉咗金目鯛。 第一次食呢種魚生，味道雖然較淡，但係好清甜，肉質爽口，又係另一種美味。 最後當然唔少得馬糞海膽。呢次我第二次食馬糞海膽，上一次食好大浸屎臭味，我以為正常既。點知今次食完全唔同，食落清甜美味，而且海膽味好濃郁，一塊一塊唔黏口。 我即刻問店員點解會爭咁遠，佢解釋原來我哋上一次九月食嘅馬糞海膽係唔新鮮，所以佢哋都轉咗另一種海膽嚟代替。睇得出呢度真係幾老實可靠。 香煎蒜片厚燒牛舌。雖然係厚切，但係食落一啲都唔蘇， 而且口感極佳。腍得嚟又好有趙口，加上去煎得夠香口，蒜香夠野未。 燒白鱔又係好好食，