影片
更多
2021-11-10
456 瀏覽
呢間黃埔麵店，係拉麵關注組一直人氣高企，朋友食過都話好食，適逢經過附近就嚟試吓。當日星期日，我哋5:50分左右到，前面有大約6個人排隊等緊，原來佢哋營業時間分兩輪，分別係12:00-16:00同埋18:00-21:00。裡面座位唔多，大概只有6個位左右，所以就算排第一輪，都要等一陣，不過都係等咗二十分鐘左右就入到啦。鋪頭空間比較細，背對背加埋平排坐，會比較窄，唔算坐得好舒服，不過無論係裝修，位置同埋燈光都有啲日本街邊小麵店嘅風味💡。餐牌上嘅選擇有幾款，第一次嚟，我就揀咗佢哋好出名嘅「雞白湯拉麵」。坐近門口位置，見到佢哋有部麵條製造機，原來佢哋呢度嘅麵條係自家製造，分別有兩種麵，一種係粗身，係用嚟做沾麵嘅「極太麵」；另一種就係用嚟做湯麵嘅「細麵麵條」。兩種麵條一樣會見到一粒粒嘅黑點係上面，係全麥小麥粒，所以同一般嘅麵條質地係有啲唔同。🔹雞白湯拉麵($𝟖𝟖)：湯底濃郁又好香雞湯味，細滑之餘，厚薄度剛好，唔會有太漏嘅感覺，飲落幾舒服，味道同好幾間專做雞白湯嘅拉麵店相比之下係較為溫和👍🏻。細麵麵條唔錯，但覺得可以再煙韌小小。至於慢煮叉燒就幾出色，分別用咗豚肉同埋雞肉，兩款均煮得啱啱好，雞肉無粗
裡面座位唔多，大概只有6個位左右，所以就算排第一輪，都要等一陣，不過都係等咗二十分鐘左右就入到啦。鋪頭空間比較細，背對背加埋平排坐，會比較窄，唔算坐得好舒服，不過無論係裝修，位置同埋燈光都有啲日本街邊小麵店嘅風味💡。
餐牌上嘅選擇有幾款，第一次嚟，我就揀咗佢哋好出名嘅「雞白湯拉麵」。
坐近門口位置，見到佢哋有部麵條製造機，原來佢哋呢度嘅麵條係自家製造，分別有兩種麵，一種係粗身，係用嚟做沾麵嘅「極太麵」；另一種就係用嚟做湯麵嘅「細麵麵條」。兩種麵條一樣會見到一粒粒嘅黑點係上面，係全麥小麥粒，所以同一般嘅麵條質地係有啲唔同。
🔹雞白湯拉麵($𝟖𝟖)：
湯底濃郁又好香雞湯味，細滑之餘，厚薄度剛好，唔會有太漏嘅感覺，飲落幾舒服，味道同好幾間專做雞白湯嘅拉麵店相比之下係較為溫和👍🏻。細麵麵條唔錯，但覺得可以再煙韌小小。至於慢煮叉燒就幾出色，分別用咗豚肉同埋雞肉，兩款均煮得啱啱好，雞肉無粗糙感，豚肉一大塊呈現粉紅色，入口嫩滑。配角嘅紫洋蔥碎同埋荀絲都係好爽口。而最令我驚喜係隻溏心蛋。咬開後橙黃色嘅蛋汁湧出嚟，流心效果一流😍！
雞白湯拉麵
17 瀏覽
0 讚好
0 留言
雞白湯拉麵 - 溏心蛋
13 瀏覽
0 讚好
0 留言
食完當晚返去都無咩口渴嘅感覺，所以亦應該無咩味精( ° ͜ʖ° )！
🔹御好燒風味餃子($𝟑𝟔)：
御好燒即係好似大阪燒咁，呢個價錢有六舊算係超值，餃子亦無煎得過脆或過軟，大阪燒醬汁本身已經惹味，所以整體嚟講幾好食😝
御好燒風味餃子
16 瀏覽
0 讚好
0 留言
呢度的確有種日本街邊拉麵小店嘅味道，但因為鋪頭裡面座位只得幾個，可能排隊時間預咗的確要等得比較耐。
另外要留意返裡面坐嘅位置有個小台階係高一級，食完落嚟要小心，因為咁啱今次有個人出嚟嘅時候，可能就唔記得咗，仆咗落後面嗰個人度，見佢都好尷尬，所以一定要特別小心。
價錢方面，風格相近嘅幾間拉麵店一碗都過百蚊，所以呢度價錢係相當親民。性價比高，所以都值得一試☺️。
張貼
