巧手製作 (已結業)

尋日收工，去左巧手製作望下今日有咩特價蒸飯食，見到今日的特價蒸飯係北菇蒸雞飯，所以就買一個啦。呢家巧手每日推出一款特價蒸食真係好抵，16蚊一個，而且日日不同款，所以要食自己鍾意的，真係要碰運氣，而以我目測，多數都係排骨和肉餅佔大多數，蒸雞都比較少。佢地的北菇蒸雞飯，菇就只係得一兩粒，而雞件就大約4-5舊，但係啲雞都幾滑，而且有少少薑絲一齊蒸，都幾惹味，冬菇都好入味，可惜得太少，而且飯都有吸到雞味，16蚊嚟講算超班。我除左買左個蒸飯之外，仲叫左一個葱油餅食，佢表面有芝麻，加上煎到表面脆脆地，所以味都幾香口，幾好食。