丼瀛 (已搬遷) 新店位置

因為限眾令，好多餐廳都要更隔板，望上去變得唔太美觀，但原來係照片睇返，隔板卻成為左相片的背景，有時都幾靚。 今次係紫色💜，位於觀塘店。去到先知係人氣日本餐廳，坐滿哂人，好彩訂左靠牆邊，有少少私人空間。呢間日本餐廳好有心思，設計左幾款比較靚又特別的菜式，又食得又睇得。丼贏特上築地壽司杯（$188）- 好吸睛的擺設，雖然每一杯份量不多，不過幾有心思，至於味道都合格新鮮。牛油果軟殼蟹卷（$68）- 軟殼蟹都幾脆， 好香好足料。超市籃盛裝吉列廣島蠔（$48）- 我唔太食炸嘢，不過都食左兩隻。 外面炸得好脆口，生蠔保留鮮味肉汁，唔錯。 同埋好想帶個籃返屋企。見到餐廳做緊7折優惠，加上本身價錢唔太貴，可以推介俾大家。