秋田浜燒食堂

營業中

休息中

黎到佐敦一間日式餐廳，地理位置就雖然係唔太方便，但係咁辛苦嚟到呢度食到超值嘅套餐就絕對值得！一個價值1088嘅「小樽漁港」套餐，包含嘅嘢絕對係會令人滿載而歸。重頭戲未嚟之前就梗係要食沙律開一開胃先。再黎就係漬物，雖然份量細細但係好滿足。有個小遊戲，一隻手拎到幾多隻蝦就可以食到幾多隻，我隻手就唔大，抓到4隻都算係唔錯啦。蝦既鮮甜可以過一過口癮。生蠔係我最愛，今日食到岩手縣既岩蠔，見到個大小就已經被嚇親。咁大隻蠔比較少食到，滿足曬。食完生蠔職員就幫我哋燒鮑魚同埋帶子，個帶子嘅湯汁真係一流，直頭要索晒啲湯汁。蟹膏甲羅燒都係一見到就必點嘅嘢，鹹香鮮甜，配上蒜蓉包係好夾嘅組合。配有蟹肉明太子既蛋黃醬烏冬俾人感覺好新鮮，醬料十足，烏冬唔會乾身。朋友叫嘅迷你海鮮丼份量話大唔大話細唔細，最緊要都係食得飽。其實係食主食烏冬嘅時候都已經飽飽地，食完之後再上一個精緻嘅甜品，紅豆奶凍質感綿滑，真係完美收尾。