阿爺八鮮鍋 (已結業)

今晚去左食阿爺粥膳八鮮鍋，呢間餐廳都幾期待，因為好想食粥鍋，之前食過一次，非常回味。阿爺粥膳八鮮鍋位置方便，就喺旺角鬧市中，大大個招牌，非常容易搵，如果人多就要等下，不過可以坐低等。我地被安排坐四人卡位，空間寬敞，坐落好舒服。而且乾淨又光猛，環境唔錯，係朋友聚會之選。新鮮海鮮火鍋種類有火焰八鮮鍋， 龍蝦花膠餐，花膠雞煲，此外仲有自選配料同其他餐單，花多眼亂，要花d時間睇。好彩店員冇忟面，態度殷勤親切，叫我地慢慢睇，仲推介我地食火熖八鮮鍋。最後，我地叫左個八鮮鍋，有蟹，貴妃蚌，蜆，鮑魚同龍蝦。店員拎咗一個空鍋同一盤海鮮黎，原來同我地一般食法好唔同，先用雞件起獲，然之後加入海鮮，點火，原來火焰八鮮鍋係咁嘅意思。店員隨即加入海鮮湯，湯底係平時飲嗰d龍蝦湯嘅橙色，裏面有香濃嘅南瓜同龍蝦味，非常香甜。每位有鮑魚一隻，貴妃蚌一隻，奄仔蟹，龍蝦半隻，同鮮蝦。海鮮全部即叫即劏，非常生猛。店員幫我地將部份海鮮放入湯底，等候期間一定要望下點食法，豬有跟足指示架，睇實個時間👀⏰出黎嘅海鮮岩岩好，唔會韌，而且鮮味十足。貝殼洗得好乾淨，冇沙。鮑魚爽口彈牙，貴妃蚌新鮮爽甜，龍蝦肉質結實爽口，蟹肉飽滿鮮甜，全部海鮮