客家人豬什粉 (祥華商場) (已結業)

老公睇app 見到呢間評價幾高分，所以決定試下。嗌左牛丸墨丸河，豬膶豬腸魚皮餃米，油菜，埋單$111湯麵分開，湯底係淡淡嘅胡椒豬肚湯（暖胃），麵分量足。河粉略碎。牛丸墨丸河：牛丸有兩粒，墨丸有三粒。牛丸juicy有驚喜，有潮汕風味（難怪要+3蚊）；墨丸冇特別。豬膶豬腸魚皮餃米：魚皮餃有三粒，豬腸4-5塊,豬膶5-6小薄片。樣樣都幾好食。因為開頭冇諗住出post ，所以冇影食物照。另外，佢有張儲分卡，滿$50送一個印花（單次滿100蚊就兩個印花），滿十個可換指定套餐（當50蚊用）見佢款式都多，下次會再幫襯試其他野食！