Emporio Antico (已結業)

情人節晚，我一早book左20:00，落左訂，到今日先7點打電話來話叫我推遲我個booking 30分鐘，因為有overlapped booking，而偏偏要推遲我，我簡直覺得難以置信。咁我同女朋友一齊照20:05上去問下咩事啦，哦，原來有一枱人遲左一個鐘到，所以我來到就無枱要等30分鐘睇佢食完。即係佢遲一個鐘就可以入座，我準時到就單一句就推遲我？ 好，我同女朋友落去行一陣，20:30上返去，我expect你應承我20:30就OK，上到去，話人地食緊甜品，要多15分鐘，我地火都滾，無諗住同佢鬧交，我叫佢搵話事人同我解釋一下，個waitress 都係按order做野，對事唔對人。個老闆，連出都唔去來同我講聲唔好意思，淨係叫個waitress同我say sorry，話送香檳。吓，我來係想欣賞你嘅野食，唔係想貪你小便宜，唔係要free野你搞清楚。我到宜家都唔明點解人地遲到就可以推遲我去就佢地，公平？如果係咁，我要booking做咩？如果係其他原因我都可以等，因為其他人遲到我唔可以接受。無食到走左，我唔知食物好唔好味，但係我諗一間餐廳唔係淨係賣野食。