影片
更多
2022-07-09
129 瀏覽
尋日同事話呢間嘅泰式串燒幾好味，所以今日就落黎買，入到去想叫份午市套裝（本人返夜班通常都遲食飯），大概17:50分左右就去到櫃檯度，可以話係完全冇人打算理我，見到所有侍應都係度同一位外賣員嘈緊交，八卦聽咗一陣發現大概就係嘅外賣員係度等咗好耐，呢間野嘅廚房都唔比佢嘢咁。過咗一陣我眼見所有侍應都係度處理緊外賣員單嘢🫠我企係櫃檯度好似隱形人咁比人忽視，我都開始懷疑自己究竟係咪企錯位，忍不住問行過嘅侍應：「其實外賣究竟係咪係呢度落單架？」個侍應叫我等。終於有人打算幫我落單了，我就同收銀度講我想要午市套餐，點知收銀嗰個人都係唔放過嗰個外賣員，我講到一半佢又返去同外賣員嘈交😹等到佢哋返黎之後，我終於講完我想講嘅嗰句嘢，點知收銀同我講：「唔好意思呀，而家係18:02分，我哋午市套餐淨係著到六點鐘咋！」我真係多謝晒你呀，我喺度企咗10分鐘係咪真係冇人見到我架🫠不過其實唔緊要嘅，我就要咗份一人餐（如圖），返到屋企打開真係o曬嘴份慢燒豬頸肉拼雞肉一睇就知係事前整定，因為個豬頸肉根本就唔係熱嘅🫠個雞肉都係肉眼可見的乾柴，舊雞真係極品，咬咗一啖真係懷疑人生😹豬頸肉都係普通地差，可能因為擺咗一陣的緣故呢，塊豬頸
入到去想叫份午市套裝（本人返夜班通常都遲食飯），大概17:50分左右就去到櫃檯度，可以話係完全冇人打算理我，見到所有侍應都係度同一位外賣員嘈緊交，八卦聽咗一陣發現大概就係嘅外賣員係度等咗好耐，呢間野嘅廚房都唔比佢嘢咁。
過咗一陣我眼見所有侍應都係度處理緊外賣員單嘢🫠我企係櫃檯度好似隱形人咁比人忽視，我都開始懷疑自己究竟係咪企錯位，忍不住問行過嘅侍應：「其實外賣究竟係咪係呢度落單架？」個侍應叫我等。
終於有人打算幫我落單了，我就同收銀度講我想要午市套餐，點知收銀嗰個人都係唔放過嗰個外賣員，我講到一半佢又返去同外賣員嘈交😹等到佢哋返黎之後，我終於講完我想講嘅嗰句嘢，點知收銀同我講：「唔好意思呀，而家係18:02分，我哋午市套餐淨係著到六點鐘咋！」
我真係多謝晒你呀，我喺度企咗10分鐘係咪真係冇人見到我架🫠不過其實唔緊要嘅，我就要咗份一人餐（如圖），返到屋企打開真係o曬嘴
份慢燒豬頸肉拼雞肉一睇就知係事前整定，因為個豬頸肉根本就唔係熱嘅🫠個雞肉都係肉眼可見的乾柴，舊雞真係極品，咬咗一啖真係懷疑人生😹豬頸肉都係普通地差，可能因為擺咗一陣的緣故呢，塊豬頸肉可以話係又硬又凍又油，成個餐唯一正常就係個鳳爪沙律，不過又唔可以話好味到去邊，就普普通通正常味道囉。
盛惠99蚊，大多數嘢食都比我掉曬，不過都唔會肚餓嘅，因為氣都氣飽了。
張貼
