博多拉麵別天神 (已結業)

今晚約左個舊同事去北角攞野，吹吹下水，突然佢話附近有間好正嘅日式拉麵🍜，我咁鍾意食嘢，就緊係要去試下啦😋。博多拉麵別天神，雖然鋪頭細細，只有一張L位bar枱，大約可以坐10個客倒，但位同位之間間距都好闊落，唔會有迫夾感。對住bar枱成幅牆貼滿食客寫下嘅心聲，又或者係對鋪頭食物嘅讚賞，好窩心😃。一睇門口餐牌，小食有餃子🥟、小龍蝦蟹子沙律，而湯麵只做兩款，豚骨湯麵🍜同蝦味噌豚骨湯麵🍜⋯⋯一間鋪專門只做兩款湯麵，所以今晚一定會食倒好野😋。別天神套餐，有豚肉湯麵+沙律+餃子：首先黎嘅就係小龍蝦蟹子沙律，將沙律做成一個球體，好似雪糕咁嘅造型😃，仲有準備埋紫菜包住黎食，沙律入邊嘅龍蝦粒都唔小，連埋紫菜一齊放入口，凍冰冰又脆脆咁，好正👍🏻。餃子🥟，熱辣辣又飽滿，一啖咬落去，好多肉汁，超好味。湯拉麵🍜出場：豚骨湯麵 - 有兩塊叉燒、大量蔥花同木耳絲、流心溫泉蛋。蝦味噌豚骨湯麵 - 賣相一流👍🏻，有兩塊大叉燒、大量蔥花同粟米粒、大量乾蝦仔放左麵中間，成碗麵好吸睛。先試下濃濃嘅豚骨湯底，嘩，好黏口，正到爆，拉麵嘅軟硬度非常適中，有彈性，每夾起一朿拉麵都會掛上濃濃嘅湯🍜，叉燒又大又厚，肉味濃，啖啖肉咁😋，而