明將迴轉壽司餐廳 (已結業)

去到深水埗，忍不住去去食明將，其實我覺得如果唔食同唔睇同沙律有關o既壽司，明將都不過不失o既！一坐底，佢比左個茶包我，好彩斟水o既時候隻手指唔係放得好出，如果唔係就大獲啦，部機漏水o加！講下壽司先，其實供應得好快！供過於求！肉鬆壽司同肉鬆小卷最夠味，同埋好穩陣！三文魚壽司，薄到呢，師傅刀功實在太好啦，所以放入口都唔知道自己食緊三文魚壽司！煙鴨胸壽司就鹽水味太重啦！八爪魚，螺肉，魷魚酥壽司，因為係分開叫佢整，所以上檯時都幾美觀！炸帶子壽司好金黃色o加，不過食完都唔知道自己食左咩，因為口感奇怪，要去個菜單都塭再加估估下，一於當自己食左炸帶子啦！好啦！最後o的員工好散漫o加！我發覺，我比明將KO左啦，下次唔敢去啦！